ජූලි මස තුන්වන සතිය වන විට ඇස්ට්රාසෙනෙකා එන්නත් මිලියන 1.4ක් ලැබීමට නියමිත නිසා කොළඹ නගර සභා බල ප්රදේශයේ ඇස්ට්රාසෙනෙකා දෙවන මාත්රාව වෙනුවට ෆයිසර් එන්නත ලබා දීම ඇත් හිටවූ බව යුද හමුදාපති ජෙනරාල් ශවේන්ද්ර සිල්වා කියා සිටියේය.
අද (08) දින එන්නත් ලබාගැනීමට එන ලෙසට දැනුම්දෙමින් කෙටි පණිවුඩ ලැබුණ පුද්ගලයින් ට ඒ සඳහා නොපැමිණෙන ලෙස නගරසභාව විසින් දැනුම් දී තිබේ.
කොළඹ මහ නගර සභා බලප්රදේශය ආවරණයවන කොළඹ 1 සිට කොළඹ 15 දක්වා ඇස්ට්රාසෙනෙකා එන්නතේ පළමු මාත්රාව ලබාගත් වසය අවුරුදු 55 ත් 69 ත් අතර පුද්ගලයින් සඳහා ෆයිසර් එන්නත දෙවන මාත්රාව ලෙස ලබාදීම ඊයේ (07) මාලිගාවත්ත පී .ඩි සිරිසේන ක්රීඩාගනය දී ආරම්භ කෙරිණි.
ඇමෙරිකාවන් ආනයනය කරනු ලැබී ෆයිසර් එන්නත කොවිඩ් ඩෙල්ටා ප්රභේදය සඳහා ඉතා හොඳ ප්රතිශක්තිකරණයක් ඇති කරන බවත් ඇස්ට්රාසෙනිකා දෙවන මාත්රාව ලෙස ෆයිසර් එන්නත ලබා දීමෙන් වඩාත් ඉහළ ප්රතිශක්තිකරණයක් ඇතිවන බවත් වෛද්ය පර්යේෂකයකන් පර්යේක්ෂකයෝ ප්රකාශ කර තිබුණ පසුබිමක මෙම එන්නත්කරණය දියත් විණි ලොව ඉහළම කොවිඩ් එන්නතක් සේ සැලකෙන ෆයිසර් එන්නත් මාත්රා 26 000ක් මෙරටට ලැබී තිබිණි.
ශ්රී ජයවර්ධනපුර විශ්ව විද්යාලයේ වෛද්ය පීඨයේ අසාත්මිකතා ප්රතිශක්ති විද්යා සෛල ජෛව විද්යායතනයේ අධ්යක්ෂ ආචාර්ය චන්දිම ජීවන්දර සිය ආයතනයේ නවතම පර්යේෂණ දතත්වලින් ප්රකාශ කර තිබුණේ ඇස්ට්රාසෙනිකා මාත්රා එකකින් දැන් පැතිරී යන ඩෙල්ටා කොවිඩ් ප්රභේදයට ප්රතිශක්තිකරණය සැලසෙන්නේ සියයට 33කින් බවත්, මෙහි දෙවන මාත්රාවත් ගත්තොත් ලැබෙන්නේ 66ක පමණ රැකවරණයක් ලැබෙන බවත්ය.
ඒ අනුව මෙරටට ලැබුණු ෆයිසර් කොවිඩ් මර්දන ෆයිසර් එන්නත් මාත්රා 26,000න් ඉතිරි මාත්රා ලබාදෙන ආකාරය ගැන තවම නිශ්චිත නිගමනයන් නොමැති බව වාර්තා වේ.
