ශ්රි ලංකාවේ දේශපාලකයන් විසින් සොරා ගන්නා ලද මුදල් සහ වස්තුව යළි මව් රටට ලබා ගැනීමේ ප්රයත්නයක් තමන් ආරම්භ කර ඇති බවත් ඒ සඳහා ලොව වටා සිටින තරුණ තරුණියන් දහසක් පමණ සහයට පැමිණෙන්නට බලා සිටින බවත් ජර්මනියේ ජීවත් වන තරුණයින් දෙදෙනෙක් පවසති. ඔවුන් මේ වනවිටත් යළි රටට ලබා ගැනීමට සඳහා සහය ඉල්ලමින් ජාත්යන්තර ආයතන කිහිපයකට පෙත්සමක් යැවූ බවත් ජර්මනියේ වෙසෙන ලක්ෂානි පෙරේරා හා ලහිරු වන්නිනායක සරෝජ් පතිරණ ගේ සරේජ් සමඟ සංදේශය යූ ටියුබ් නාලිකාව හා එකතු වෙමින් සඳහන් කළහ.
ජර්මනිය, ස්විට්සර්ලන්තය, ඇමරිකාව වැනි රටවල් ගණනාවක වෙසෙන තරුණ තරුණියන් එක්ව මේ වන විට සංවිධානයක් පිහිටුවාගෙන ඇති බවත් ඒ හරහා ලංකාව වෙනුවෙන් එක්සත් ජාතීන්ගේ මත්ද්රව්ය සහ අපරාධ පිළිබඳ කාර්යාලය ඇම්නස්ටි ඉන්ටර්නැෂනල්, ට්රාන්ස්පේරන්සි ඉන්ටර්නැෂනල් හා එක්සත් ජාතීන්ගේ පාර්ලිමේන්තුවට පෙත්සමේ පිටපත් යැවූ බව ලක්ෂානි පෙරේරා පැවසුවාය.
ඔවුන් මෙ අතර අප්රේල් 27 වැනිදා රඹුක්කන දී සිදු වූ මානව හිමිකම් කඩවීම සම්බන්ධයෙන් ක්රියාත්මක වෙන්න යැයි ඉල්ලමින් එක්සත් ජාතීන්ගේ කාර්යාලය ඉදිරිපිට උද්ඝෝෂණයක් සංවිධානය කර එදින ද මානව හිමිකම් කඩවීම් සම්බන්ධයෙන් සොයා බලන්න යැයි පෙත්සමක් එක්සත් ජාතීන්ගේ මානව හිමිකම් කවුන්සිලය ඇතුළු ආයතනය කිහිපයකටම බාර දී ඇත.
ද ඉන්ටර්නැෂනල් වොයිස් ඔෆ් ශ්රී ලංකා සිටිසන්ස් නමින් සිය සංවිධානය ලියාපදිංචි කිරීමට මේ වන විට සූදානමින් සිටින බවත් ශ්රී ලංකාව වෙනුවෙන් ජාත්යන්තරයේ හඬ වීම සිය සංවිධානයේ අරමුණ බවත් ලහිරු හා ලක්ෂානි පැහැදිලි කළහ.
ලංකාවේ සොරාගෙන තිබෙන මුදල් යළි ලබා ගැනීම සඳහා කණ්ඩායමක් ලෙස විසල් උත්සාහයක නිරත වෙන්නට සිදු වුවත් පවතින රජයෙන් සහයෝගයක් නොමැති වුවත් සිය උත්සාහය අත් නොහරින බව ඔවුහු පවසති. තරුණ්යයේ හඬට වැඩි ඉඩක් තිබෙන තාරුණ්යය නඟා සිටුවන ක්රමවේදයක් ලංකාවේ ස්ථාපිත වෙනු දැකීම සිය කැමැත්ත බව ද ඔවුහු පැවසූහ.
