හම්බන්තොට – සූරියවැව ප්රදේශයේ ජනතාව මන්දපෝෂණයෙන් පෙළෙන බව අනාවරණය කරමින් මාධ්යයට කරුණු ඉදිරිපත් කළ වෛද්ය සහ සිවිල් අයිතිවාසිකම් පිලිබඳ වෛද්යවරුන්ගේ වෘත්තීය සමිති සන්ධානයේ සභාපති චමල් සංජීවගේ වැඩ තහනම් කර තිබේ.
රාජ්ය සේවා කොමිෂන් සභාවේ සෞඛ්ය සේවා කමිටුව විසින් මසේ ඔහුගේ වැඩ තහනම් කර ඇත.
වෛද්ය සහ සිවිල් අයිතිවාසිකම් පිලිබඳ වෛද්යවරුන්ගේ වෘත්තීය සමිති සන්ධානයේ සභාපතිවරයා ලෙස වෛද්ය ජී ජී චමල් සංජීව විසින් සිදුකරන ලද මාධ්ය ප්රකාශයක් පදනම් කොට මාධ්ය ආයතනවලින් මුද්රණය කරන ලද ප්රවෘත්තියක් කේන්ද්ර කොට ඔහුගේ වැඩ තහනම් කර ඇති බව එම සංගමය නිවේදනයක් නිකුත් කරමින් සඳහන් කරයි.
රජයේ ලියාපදිංචි වෘත්තීය සමිති ව්යාපාරයක සභාපතිවරයා ලෙස ද, ආණ්ඩුක්රම ව්යවස්ථාවේ භාෂණයේ සහ එක්රැස් වීමෙ නිදහස ආරක්ෂා කර ගැනීමට පවතින විධිවිධාන වලට යටත් ව ද ආයතන සංග්රහයේ ඇති වෘත්තීය සමිති අයිතිය යන පරිච්ඡේදය යටතේ පවතින අයිතිවාසිකම් වලට යටත්ව ද 1999 අංක 56 දරණ කාර්මික ආරවුල් සංශෝධන පනතට යටත්ව ද ඉන් ඔබ්බට වෛද්යවරයෙකු ලෙස මිනිසුන්ගේ ජීවිත ආරක්ෂා කර ගැනීම සඳහාද ඔහු කටයුතු කර ඇති බව ද එම වෘත්තීය සමිති ව්යාපාරය පෙන්වා දේ.
මෙම වැඩ තහනම් කිරීම දැඩි ලෙස හෙළා දකින වෛද්ය සහ සිවිල් අයිතිවාසිකම් පිලිබඳ වෛද්යවරුන්ගේ වෘත්තීය සමිති සන්ධානය මෙම තීරණය ලබා ගැනීමට පෙර නිසි සුදුසුකම් සහිත පරීක්ෂණ සභාවක් හරහා කරුණු විමසා බලා විනිශ්චය කරන තෙක් මෙම තීරණය අත්හිටුවන ලෙස සෞඛ්ය බලධාරීන්ට දන්වා සිටී.
