අත්යවශ්ය ඖෂධ මිලදී ගැනීම, ගොවීන්ගේ වී අස්වනු මිලට ගැනීම සහ විශ්රාමිකයින්ගේ පාරිතෝෂික දීමනා ගෙවීමට අවශ්ය මුදල් කඩිනමින් නිදහස් කිරීමට අදාළව ජනාධිපති රනිල් වික්රමසිංහ මුදල් අමාත්යවරයා ලෙස ඉදිරිපත් කළ යෝජනාවට අමාත්ය මණ්ඩලයේ අනුමැතිය ලැබුණු බව ජනාධිපති මාධ්ය ඒකකය පවසයි.
අද (13) සතිපතා පැවැත්වෙන අමාත්ය මණ්ඩල රැස්විමට ජනාධිපතිවරයා විසින් මෙම කැබිනට් පත්රිකාව ඉදිරිපත් කර ඇති අතර ඒ අනුව අත්යවශ්ය ඖෂධ මිලදී ගැනීම සඳහා අවශ්ය අරමුදල් කඩිනමින් නිදහස් කිරීමේ අවශ්යතාව පිළිබඳව සාකච්ඡා වී ඇති අතර රටේ පවතින මන්ද පෝෂණ තත්ත්වය දුරළීම සඳහා අවශ්ය පියවර ගැනීමටත් ගොවීන්ගේ වී මිලදී ගැනීම් සඳහා මෙන්ම පසුගිය දෙසැම්බර් මාසයේ විශ්රාම ගිය 18,000ක් පමණ වන රාජ්ය සේවකයන්ගේ පාරිතෝෂික දීමනා ලබා දීමට අදාළ අරමුදල් කඩිනමින් නිදහස් කිරීම පිළිබදව මෙම කැබිනට් මණ්ඩල පත්රිකාව ඉදිරිපත් ව ඇති බව ජනාධිපති මාධ්ය අංශය තවදුරටත් පවසයි.
