දිනසේන රතුගමගේ –
කාලයක් තිස්සේ යාපනයට පැවති දැඩි රශ්මිය හමාර කරමින් මහා ධාරානිපාත වර්ෂාවක් ඇද හැලුණු අතර එම වර්ෂාවත් සමග පුපුරා ගිය අකුණක් හේතුවෙන් එක් පුද්ගලයෙකු බරපතල පිළිස්සුම් තුවාල සහිතව ඊයේ (12) යාපනයේ ශික්ෂණ රෝහලට ඇතුළත් කර තිබේ.
මෙම අකුණු සැර වැදීම නිසා තුවාල ලබා ඇත්තේ යාපනයේ උඩුවිල් ප්රදේශයේ පදිංචිකරුවෙකි.
යාපනයට කාලයකට පසුව ඇද හැලුණු ධාරානිපාත වර්ෂව හේතුවෙන් දින පනස් තුනක් පමණ එක දිගටම පැවති අධික රශ්මිය පහව ගිය බව යාපනයේ වැසියෝ කියා සිටියහ.
අධික රශ්මිය නිසා යාපනයේ වැසියන් හත් දෙනෙකු මිය ගොස් තිබිණි
වර්ෂාව නිසා යාපනයේ මංමාවත් ජලයෙන් යට වී තිබු අතර පළාත් කීපයක කුඹුරුද වර්ෂා ජලයෙන් යට වී තිබුණි.
