ජනාධිපතිවරයාගේ අණ පරිදි සෞඛ්ය සේවයට අදාළ සේවා කටයුතු රැසක් අත්යවශ්ය සේවාවන් බවට පත්කරමින් අති විශේෂ ගැසට් නිවේදනයක් නිකුත් කර තිබේ.
එම නිවේදනයෙන් රෝහල්වල, සාත්තු නිවාසවල, බෙහෙත් ශාලා සහ වෙනත් සමාන ආයතනවල රෝගීන් නඩත්තු කිරීම සහ පිළිගැනීම, රැකවරණය, පෝෂණය කිරීම සහ ප්රතිකාර කිරීම සම්බන්ධව අවශ්ය හෝ කළ යුතු ඕනෑම විස්තරයක සියලු සේවා වැඩ හෝ ශ්රමය අත්යවශ්ය සේවාවන් බවට පත්කර ඇත.
කෙසේ වෙතත් වෛද්යවරුන්ට ලබා දෙන ඩැට් දීමනාව ලබා ගැනීම සඳහා සෞඛ්ය වෘත්තීය සමිති 72ක් අද ආරම්භ කළ වැඩ වර්ජනය හෙට (14) දිනයේත් ක්රියාත්මක කරන බව දැනුම් දී තිබේ.
තවද හෙද සේවාවේ ඉල්ලීම් කිහිපයකට විසඳුම් නොලැබීම හේතුවෙන් හෙට (14) කොළඹ දී විරෝධතාවක් පවත්වන බව සමස්ත ලංකා හෙද සංගමයේ ලේකම් එස්.බී මැදිවත්ත ප්රකාශ කළේය.
