ශ්රියානි විජේසිංහ –
සෞඛ්ය වෘත්තීය සමිති නායකයින් නිහඬ කරවීමට සෞඛ්ය අමාත්යංශයේ නිලධාරීන් දරන උත්සාහය වහාම නතර නොකළහොත් සෞඛ්ය ක්ෂේත්රය තුළ පමණක් නොව සමස්ත රාජ්යසේවය තුළම දැවැන්ත වැඩ වර්ජනයක් ක්රියාත්මක වීම වැලැක්විය නොහැකි බව සෞඛ්ය වෘත්තීයවේදීන්ගේ සම්මේලනයේ සම කැඳවුම්රු උපුල් රෝහණ සඳහන් කරයි.
සෞඛ්ය ලේකම්වරයා හෝ සෞඛ්ය සේවා අධ්යක්ෂ ජනරාල්වරයා නොදන්නා බොහෝ කරුණු වෘත්තීය සමිති නායකයින් දන්නා බවත් එම කරුණු හරහා ජනතාව දැනුවත් කරමින් ඔවුන්ට හොඳ සෞඛ්ය සේවාවක් ලබා දීම තම අරමුණ වී ඇති බව උපුල් රෝහණ පවසා සිටියි.
සත්ය තොරතුරු ජනතාවට ලබාදීම වසන් කිරීමේ අරමුණින් වෘත්තීය සමිති නායකයින් නිහඬ කරවීමට සෞඛ්ය බලධාරින් ගන්නා ක්රියා මාර්ගයන්ට එරෙහිව මේ වන විටත් සෞඛ්ය ක්ෂේත්රයේ වෘත්තීය සමිති ගණනාවක්ම වැඩ වර්ජනයකට සූදාමින් සිටින බව හෙතෙම අනතුරු අඟවා සිටියි.
