ශ්රියානි විජේසිංහ –
සෞඛ්ය සේවා වෘත්තීය සමිති සන්ධානය විසින් දිවයින පුරා රෝහල්වල ආරම්භ කර තිබෙන අඛණ්ඩ වැඩ වර්ජනයට රාජ්ය සේවා එක්සත් හෙද සංගමයේ සහාය ලබා ගැනීම සඳහා අද (13) පැවැත්වූ සාකච්ඡා එකඟත්වයකින් තොරව අවසන් වී ඇති බව වාර්තාවේ.
ලංකාසර කළ විමසුමකදී රාජ්ය සේවා එක්සත් හෙද සංගමයේ සභාපති පූජ්ය මුරුත්තෙට්ටුවේ ආනන්ද හිමියන් සඳහන් කළේ සිය සාමාජිකත්වයේ අදහස් විමසීමකින් තොරව එකඟතාවයක් පළ කළ නොහැකි බවය.
ජනතාව පීඩාවට පත්ව තිබෙන මෙවන් අවස්ථාවක වර්ජනය කිරීම අනුමත කළ නොහැකි බවත් සෞඛ්ය බලධාරීන් ඇතුළු භාණ්ඩාගාර නිලධාරීන් මෙම ගැටලුවට වහාම විසඳුම් ලබාදීමට ඉදිරිපත් විය යුතු බවත් උන්වහන්සේ සඳහන් කළහ
