ශ්රියානි විජේසිංහ –
සෞඛ්ය අමාත්යංශයේ සෞඛ්ය පරිපාලනයේ නියුතු වයස අවුරුදු 60 පැන්න නිලධාරීන්ගේ අදූරදර්ශී ක්රියාකලාපයන් හේතුවෙන් වසර 2020 සිට වසර 2023 මැයි මාසය දක්වා කාලය තුළ විශේෂඥ වෛද්යවරුන් 300ක් දෙනා මෙරට හැර ගොස් ඇතැයි සෞඛ්ය අමාත්යංශය ආරංචි මාර්ග සඳහන් කරයි.
මේ වසර අවසාන වන විට විශ්රාම යාමට නියමිත විශේෂඥ වෛද්යවරුන් 297 දෙනාගෙන් ඇතිවන පුරප්පාඩු මේ නිසා පියවා ගැනීමට නොහැකි වනු ඇති බවත් මෙහි අවසාන ප්රතිපලය වන්නේ දුෂ්කර පළාත්වල සේවය සදහා විශේෂඥ වෛද්යවරුන් නොමැති වීම බවත් එම ආරංචි මාර්ග වැඩිදුරටත් සදහන් කරයි.
විදේශ පුහුණුව නිමකර මෙරටට පැමිණී වෛද්යවරුන්ට රටහැර යාමට නොහැකිවන සේ නීතීය ක්රියාත්මක කළ යුතු වුවද සෞඛ්ය අමාත්යංශයේ 60 පැන්න නිලධාරීන් ඒ කිසිවක් ක්රියාත්මක කිරීමට කටයුතු නොකරන බවත් ඔවුන්ට රට හැර යාමට අවශ්ය පසුබිම සකස් කර දෙන බවත් එම ආරංචි මාර්ග පවසා සිටියි.
කොළඹ ප්රදේශයේ රෝහල්වල සේවයේ නියුතු විශේෂඥ වෛද්යවරුන් පිටපලාත්වලට සේවයේ නොයොදා කොළඹ හා තදාසන්න ප්රදේවලටම සීමා කර තිබෙන අතර තරුණ නවක වෛද්යවරුන් දුෂ්කර පළාත්වල සේවයේ යෙදවීම දිගින් දිගටම සිදුවිම හේතුවෙන් ඔවුන් ගැටලු ගණනාවකට මුහුණ දීමට සිදුව ඇතැයි ද වාර්තාවේ.
මෙම තරුණ වෛද්යවරුන්ට තමන්ගේ දරුවන් පාසල්වෙත ඇතුළත් කර ගැනීමට අවස්ථාව නොලැබීම, බිරිඳට ස්ථානමාරුවක් ලබා ගැනීමට නොහැකි වීම වැනි හේතු කාරණා මත දැඩි කළකිරීමකට පත්ව ඇති බවත් සදහන්වේ.
මේ වන විට දුෂ්කර ප්රදේශවල වෛද්යවරුන්ද රටහැරයාමට පටන්ගෙන අතැයිද වාර්තාවේ.
සෞඛ්ය අමාත්යංශයට නොදන්වා රටහැර යන වෛද්යවරුන්ගේ නිවාඩු අනුමත කර දීම, විසා නිකුත් කිරීම සඳහා අදාල නියෝජිත ආයතනයන්ට කටයුතු කිරීමට ඉඩ සැලසීම , ඇතුලු රාජ්ය නිලධාරීයෙන් රට හැර යාම සම්බන්ධයෙන් ක්රියාත්මක කළ යුතු නිසි වැඩපිළිවෙළ සෞඛ්ය අමාත්යංශය තුළ අක්රීය කිරිම හේතුවෙන් රෝගී ජනතාවට ඉදිරියේදී සත්කාර සේවාවන් ලබා ගැනීමට නොහැකි තත්ත්වයක් උත්ගතවීම බරපතල විය හැකි බවද එම ආරංචි මාර්ග පෙන්වාදේ.
