ශ්රී ලාංකික සංගීත රසිකයින් අතර මහත් ආදරයක් දිනා සිටි ප්රවීණ ගායන ශිල්පී සේනක බටගොඩ තව දුරටත් අප අතර නැති බව සංවේගයනේ දැනුම් දෙමු.
රාගම රෝහලේ ප්රතිකාර ලබමින් සිටින අතරතුර අද (11) අභාවප්රාප්ත වූ සේනක බටගොඩයන් දිවි සැරිය නිමා කරන්නේ 66 වන වියේදීය.
සේනක බටගොඩ යනු අපූරු සංගීතඥයෙකි.
සිහින විමන්, සැනසෙන්නම් මා, ජවයෙන් පිරි. හීන වලට පනක් තියනවා, නිදි නැති රැය, තනිවූ සිහිනේ, අපි සැනසිල්ලේ වැනි ආදරණීය ගීත ඔහු අපට දායාද කළේය.
සේනක බටගොඩ ඔහුගේ කලා ජීවිතය තුල විවිධාකාර සංගීතමය අත්හදා බැලීම් සහ නව සොයා ගැනීම් සිදු කළ විශිෂ්ටයෙකි.
ශ්රී ලාංකීය ජන සංගීතයේ සිට ලෝක ප්රසිද්ධ විවිධ සංගීත ආර මනා ලෙස අධ්යනය කළ සේනක බටගොඩ විසින් නිර්මාණය කර ඇති ගීත මෙකී සියලු සංගීත සම්ප්රදායන්ගේ සංකලනයක් සහිත අනන්ය ගති ලක්ෂණ පෙන්නුම් කළේය.
ඉතා සරල භාෂාවෙන් ගැඹුරු අරුතක් සහිත ගීත පද රචනා ස්වකීය සංගීතයෙන් අපූරු උත්කර්ෂයකට නන්වා තිබිණි.
පහත දැක්වෙන්නේ සේනක බටගොඩයන්ගේ ආදරණිය නිර්මාණ කීපයකි.
