එල්.ටී.ටී.ඊ. ය භාවිතා කළ ඇඳුම් කීපයක් තම නිවසේ ඇති බවට චෝදනා කරමින් නිවස සෝදිසි කිරීමට එරෙහිව සෙවීමට එරෙහිව මූලික අයිතිවාසිකම් සහ අපහාස නඩු පවරන බව සමගි ජන සන්ධානයේ ජාතික සංවිධායක සහ ජාතික ලැයිස්තු සාමාජික සුජීව සේනසිංහ පවසයි.
එමෙන්ම පොලිස් පරීක්ෂණ හරහා ආන්දෝලනයක් ඇති කළ ඔහුට අයත් V8 වර්ගයේ ජිප් රථය ද නීති විරෝධී එකක් නොවන බවත් එය නීත්යානුකූල වාහනයක් බවත් රජයේ රස පරීක්ෂකවරයා විසින් ඊයේ (09) තහවුරු කර තිබිණි. රජයේ රස පරීක්ෂකවරයාට 08 වැනිදා භාරදුන් රථය පසුව මුදා හැරියේය.
“මගේ වාහනය නීතිවිරෝධී ලෙස එකලස් කර ඇති බවට ඔවුන් සැක කළ නිසා රජයේ රස පරීක්ෂකවරයාගේ පරීක්ෂණයකට ලක් කිරීමට ඔවුන්ට අවශ්ය වුනා. කෙසේ වෙතත් මගේ වාහනය නීත්යානුකූල එකක් බව තහවුරු වූ පසු මගේ වාහනය මට ආපසු ලබා දුන්නා,” ඔහු පැවසීය. පසුගිය සතියේ එල්.ටී.ටී.ඊ.ය භාවිත කළ ඇඳුම් කිහිපයක් ඇති බවට පළ වූ වාර්තා අනුව සේනසිංහගේ නිවසද සෝදිසි කළේය.
මේ තත්ත්වය පිළිබඳ අදහස් දක්වමින් ජනාධිපති නීතිඥ මෛත්රී ගුණරත්න පවසන්නේ දැනට ප්රශ්නගත වාහන සම්බන්ධව අත් අඩංගුවට පත් වී ඇති ලොහාන් රත්වත්ත පිළිබඳ නඩුවත්, අත් අඩංගුවට පත් වුන ජොන්ස්ටන් ප්රනාන්දු පිළිබඳ නඩුවත්, ඇතුළු නීති විරෝධී වාහන පිළිබඳව දැන් පවතින නඩු සියල්ල දේශපාලන බලපෑම මත සිදුවන ප්රදර්ශනාත්මක නඩු බවය. මෙම නඩු සියල්ලම මෝටර් රථ වාහන පනත යටතේ රුපියල් පනස් දහසක ලක්ෂයක දඩයකට යටත්වන නඩු බව ද ඔහු කීවේය. ලොහාන් රත්වත්ත අත් අඩංගුවට ගැනීමට ඔහු රාජ්ය ඇමතිවරයා ලෙස බන්ධනාගාරයට ගොස් සිරකරුවන්ගේ හිසට තුවක්කු තබා මරණ තර්ජන එල්ල කිරීමේ සිද්ධිය ප්රමාණවත් බවත් ජොන්ස්ටන් ප්රනාන්දු අත් අඩංගුවට පත්විමට ඔහු ගේ ස්කාගාරයේ බදු නොගෙවීමේ ප්රශ්නය ප්රමාණවත් බවත් ජනාධිපති නීතිඥවරයා පෙන්වා දුන්නේය.
