නෙදර්ලන්ත මාධ්ය සමාගමක් වන Nederlandse Omroep Stichting (NOS) හි චීනය හා නැගෙනහිර ආසියාවේ වාර්තාකරු වන Sjoerd Den Daas , බීජිං හි ශීත ඍතු ඔලිම්පික් උළෙල වාර්තා කරමින් සිටිය දී ඔහුගේ සජීවී විකාශයට බාධා කිරීමට ආරක්ෂකයන් කටයුතු කිරීම මේ වනවිට ලොව පුරා අවධානයට ලක්ව තිබේ.
අදාළ මාධ්යවේදියා, සජීවීව සිය රූපවාහිනි මැදිරිය සමඟ සම්බන්ධ වී සිටි අවස්ථාවේ චීන ආරක්ෂක නිලධාරියකු විසින් ඔහුව ඉවතට තල්ලු කර,ඇදගෙන ගොස් ඔහුගේ කැමරාව ද බලහත්කාරයෙන් අක්රීය කරනු ඇති බව පැවසේ.
මෙය ඉතා අවසනාවන්ත සිදුවීමක් බවත් අධික උනන්දුව සහිත ආරක්ෂක නිලධාරියකු මෙම සිදුවීමට මුල් වී ඇති බවත් ජාත්යන්තර ඔලිම්පික් කමිටුව (IOC) සදහන් කර ඇත.
ක්රීඩා වාර්තාකරණයේදී පොලිසිය විසින් මාධ්යවේදීන්ට බාධා කිරීම් සහ නැවැත්වීම් සිදු කිරීම සිදුව ඇතත් බවත් සජීවි විකාශයක් අතරතුර මෙවැනි සිදුවීමක් වාර්තාවන්නේ ඉතාම කලාතුරකින් බවත් මෙම සිදුවීමට මුහුණ දුන් සිදුවීමට මුහුණ දුන් Den Daas පවසයි.
NOS News හි ප්රධාන කර්තෘ Marcel Gelauff සදහන් කර ඇත්තේ, මෙය චීනයේ මාධ්යවේදීන්ගේ දෛනික යථාර්ථයක් මෙන්ම රටේ මාධ්ය නිදහසේ තත්ත්වය පිළිබඳ වේදනාකාරී නිදර්ශනයක් බවයි.
දෙස්විදෙස් මාධ්යවේදීන්ට ඔලිම්පික් ක්රීඩා උළෙල ආරක්ෂිතව සහ නිදහසේ වාර්තා කළ හැකි තත්වයක් නිර්මාණය කරන්නැයි ද ඔහු චීන බලධාරීන් සහ ජාත්යන්තර ඔලිම්පික් කමිටුව වෙත වැඩිදුරටත් අවධාරණය කර තිබේ.
