රන්ජන් රාමනායක යනු කිසිවිටක කිසිවෙකුට සිය ආත්මය පාවා නොදුන් සත්යවාදී ජනතා නියෝජිතයකු බවත් සිර දඬුවම් විඳිමින් පවා ඔහු සිය ආත්මය රැක ගත් බවත් විපක්ෂ නායක සජිත් ප්රේමදාස පැවසීය.
ඔහු ඩීල් දේශපාලන නොකළ බව ද විපක්ෂ නායකවරයා කීවේය.
වරක් රන්ජන් ම ප්රකාශ කළ පරිදි “උන් ඔක්කොම යාළුවෝ මල්ලි”යන ප්රකාශය මේ මොහොතේ නැවත සිහිපත්වන බව කී විපක්ෂ නායකවරයා උන්ගේ යාළුවෙකු නොවුණු නිසා රන්ජන් තවමත් සිරගතව හිඳින බව ද පැවසීය.
විපක්ෂ නායක සජිත් ප්රේමදාස මේ බව පැවසුවේ අද (22) පස්වරුවේ වැලිකඩ බන්ධනාගාරයේ රඳවා සිටින රන්ජන් රාමනායකගේ සුවදුක් බැලීමට ගිය අවස්ථාවේදීය. එම අවස්ථාවට පාර්ලිමේන්තු මන්ත්රී මුජිබර් රහමන් ද එක්ව සිටියේය.
