ශ්රියානි විජේසිංහ –
මිනිස් සිරුරට අහිතකර රසායනික අපද්රව්යයක් ස්වාභාවික ජලමාර්ගය මුදා හැරි සුප්රසිද්ධ ඉන්දියානු සමාගමකට විරුද්ධව නඩු පැවරීමට දෙහිවල ගල්කිස්ස මහ නරග සභාවේ මහජන සෞඛ්ය පරික්ෂකවරු පියවර ගෙන ඇත.
ගල්කිස්ස ප්රදේශයේ පවත්වාගෙන යන ප්රසිද්ධ ඉන්දියානු සමාගමක් වූ ගොඩ්රිජ් හවුස්හෝල්ඩි ප්රඩක්ට්ස් ලංකා (ප්රයිවට් ) ලිමිටඩ් ආයතනය විසින් මෙම පරිසර අපරාධය සිදුකර තිබිනි.
මදුරු දඟර, හෙයාඩයි, ෂැම්පෝ, සපත්තු පොලිෂ් ඇතුළු පාරිභෝගික භාණ්ඩ රාශිකයක් නිෂ්පාදනය කරන උක්ත සමාගම මදුරු දඟර නිෂ්පාදනයේදී භාවිත කරන රතුපැහැති විෂ රසායනයක් සහිත වර්ණකයක් මුසු අපජලය ප්රදේශයේ ස්වාභාවික ජලමාර්ගයකට මුදා හැර ඇති අතර මේ හේතුව නිසා ඇලමාර්ගයේ සිටි මසුන් දහස් ගණනක් මිය ගොස් ඇතැයි වාර්තා වී ඇත.
පසුව කරන ලද පරික්ෂා කිරීම් වලදී හෙලිව ඇත්තේ මෙම ඇලමාර්ගය මුදා හැර තිබෙන වර්ණකය මදුරුදඟර වර්ණ ගැන්වීම සදහා භාවිත කරන රොඩොමින් වර්ණකය බවය.
භයානකකම වන්නේ මෙම වර්ණකය මුදා හැරි ඇල මාර්ගයේ මසුන් ප්රදේශවාසීන් ආහාරයට ගැනීම බවත් මෙම වර්ණකය නිරාවරණය වීමෙන් ඇස්වලට බරපතල හානි සිදුවීමේ අවදානමක් ඇති වීම, වර්ණකය පිළිකා කාරකයක් ලෙසද හදුනාගෙන තිබීම, සම සමග ස්පර්ශවීමෙන් සහ ආහාර මගින් ශරීර ගතවුවහොත් මිනිස් සිරුරට අහිතකර තත්ත්වයන් පැන නැගීමේ අවදානම ඇතිවන ආකාරය ගැනත් මහජන සෞඛ්ය පරීක්ෂකවරයා අධිකරණයට පැහැදිලි කර ඇත.
මෙම සමාගම විසින් ඉතා සූක්ෂම ලෙස අප ජලය පරිසරයට බැහැර කර තිබු අතර ඒ බව හදුනා ගැනීමට මහජන සෞඛ්ය පරික්ෂකවරුන්ට මහත් පරිශ්රමයක් දැරීමට සිදුවිනැයිද පැවසේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
අදාල සමාගමට එරෙහිව ගල්කිස්ස අධිකරණයේ නඩු පැවරීමෙන් පසු වරද පිළිගත් සමාගම රුපියල් 50000ක උපරිම දඩයකට යටත් කිරීමට මහේස්ත්රාත්වරයා නියෝග කර තිබිණි.
