ඉදිරි සති කිහිපය සඳහා මේ වනවිට මෙරටට ගෙන්වා ඇති ඉන්ධන තොග සහ ළඟදී ලැබීමට නියමිත ඉන්ධන නැව් සඳහා ගෙවීමට ඇති ඩොලර් මිලියන 590කට ආසන්න මුදලක් සොයා ගැනීම සඳහා රජය මේ වනවිට දැඩි ප්රයත්නයක යෙදෙමින් සිටින බව බලශක්ති අමාත්යංශ ආරංචි මාර්ග සඳහන් කරයි. ඒ සඳහා අවශ්ය විදේශ සංචිත ප්රමාණවත් නොවීම මත එම මුදල සොයා ගැනීමට විශාල ප්රයත්නයක් දැරීමට සිදුව ඇති බව පෙන්වා දෙන ආරංචි මාර්ග පවසන්නේ මේ වනවිටත් ඇතැම් ඉන්ධන සැපයුම් සමාගම් සිය සැපයුම් නවත්වන බවට බලධාරීන් හමුවේ අනතුරු අඟවා ඇති බවය.
මෙම ඉන්ධන නැව් අතර බොර තෙල් මෙට්රික් ටොන් ලකෂයක්ද පවතින අතර මෙම බොර තෙල් නිසි කලට ගෙන්වා ගත නොහැකිවීම හෙතුවෙන් මේ වනවිටත් සපුගස්කන්ද ඛනිජ තෙල් පරිපහදුව වසා දැමීමට සිදුව ඇතැයි මෙම ආරංචි මාර්ග සඳහන් කළේය. එම තත්ත්වය මත මෙම පිරිපහදුව යළි සක්රිය කිරීමට තවත් අතිරේක වියදමක් දැරීමට සිදුවිය හැකි බව අමාත්යංශ ප්රකාශකයෙක් පෙවා දුන්නේය.
තවදුරටත් කරුණු අනාරණය කළ මෙම ආරංචි මාර්ගවලට අනුව ශ්රි ලංකාවට ඛනිජ තෙල් සපයන බීබී එනර්ජි නම් සමාගම ඔවුන් විසින් සැපයීමට කටයුතු කරන පෙට්රල් බැරල් 280,00ක් වෙනුවෙන් මුදල් ඉන්වොයිසය නිකුත් කිරීමෙන් දින 14ක් තුළ නොගෙවුවහොත් සැපයුම අවංගුක ිරීමට සිදුවන බවයි එහිදී එම සමාගම තවදුරටත් ඉල්ලා අත්තේ ඉන්වොයිසයේ සඳහන් මිලට වඩා සියයට දෙකක් වැඩිපුර ගෙවීහට කටයුතු කරන ලෙසයි.
ශ්රි ලංකාවට ඛනිජ තෙල් සපයන සැපයුම්කරුවකු වන බිබී එනර්ජි සමාගම තමන්ට හිග මුදල් නොගෙවුවහොත් තෙල් සැපයුමින් ඉවත් වන බවට ඛනිජ තෙල් සංස්ථා බලධාරීන් වෙත දැනුවත් නර ඇති බව වාර්තා වේ.
මීට අමතරව මේ වනවිට ඉන්ධන සපයා ඇති සැපයුම්කරුවන්ටද හිඟ මුදල් පවතින අතර ඔවුන් යම් හෙයකින් තෙල් සැපයුම නතර කළ හොත් යළිත් රට තුළ ඉන්ධන හිගයක් නිර්මාණය විය හැකි බව මෙම නිලධාරියා සඳහන් කළේය.\
