අධික බර හා තරබාරුකම සහිත පුද්ගලයින් විශාල සංඛ්යාවක් සිටීම හේතුවෙන් රටේ ආර්ථිකයට බලපෑම් ඇති රටවල් 161ක් අතරින් එකක් වන චීනයටද වසරකට ඇමරිකානු ඩොලර් ට්රිලියන 10ක් අධික බර හා තරබාරුකම සඳහා වැය වන බව ‘බීඑම්ජේ ග්ලෝබල් හෙල්ත්’ පුවත්පත් වාර්තා කර තිබේ.
අධික බර තත්ත්වයන් හා තරබාරුකම චීනයේ ඇති පොදු ජීවන ගැටලුවකි. චීන රජය මේ තත්ත්වය මැඩ පවත්වා ගැනීමට උපරිම උත්සාහ ගනිමින් සිටියත් ඔවුන් තවමත් අසාර්ථකය.
ලෝක තරබාරුකම පිළිබඳ සම්මේලනය හා ආර්ටිඅයි ඉන්ටර්නැෂනල් ආයතන එක්ව සිදුකරන ලද අධ්යයනයකින් පසු හෙළි වී තිබෙන්නේ අධික බර හා තරබාරුකම පිළිකා, දියවැඩියාව හා හෘදරෝග වැනි බෝ නොවන රෝග ඇතිවීමට හේතු වෙන බවත් ඒ හේතුවෙන් සෞඛ්යය වෙනුවෙන් වැඩි මුදලක් වැය කිරීමට වීම රටේ ආර්ථිකයට බලපෑම් එල්ල කරන බවත් ය.
‘චීන පදිංචිකරුවන්ගේ හා පෝෂණ්ය පිළිබඳ වාර්තාව (2020)’ ට අනුව චීනයේ වැඩිහිටියන්ගේ සීයට 50ක් ද පාසැල් වියේ පසුවෙන දරුවන්ගෙන් සීයට 20ක් ද අධික බර හා තරබාරුකමෙන් පීඩා විඳිති. තරබාරුකම තවත් බොහොමයක් රෝගවලට හේතුවෙන අතර නොමේරූ මරණවලට ද හේතු වේ.
