ජනාධිපතිවරණයේ දී සජිත් ප්රේමදාසට සහාය දැක්වීමට ඉලංගෙයි තමිල් අරසු කච්චි පක්ෂය ගත් තීරණයේ වෙනසක් කළ යුතු ද යන්න පිළිබඳව අද (10) සාකච්ඡාවක් පවත්වා තිබේ.
අද වවුනියාවේ දී පැවති මෙම සාකච්ඡාවෙන් පසු පක්ෂයේ අවසන් තීරණය 14 හා 15 දිනවල ප්රකාශ කරන බව එම පක්ෂයේ නායක මාවෙයි සේනාධිරාජා ප්රකාශ කරයි.
පසුගිය දා ඉලංකෙයි තමිල් අරසු කච්චි පක්ෂයේ මධ්යම කාරක සභාව රැස්ව සමගි ජන බලවේගය වෙත සිය සහාය ලබා දීමට ගත් තීන්දුව පක්ෂයේ මාධ්ය ප්රකාශක එම්. සුමන්තිරන් විසින් ප්රකාශ කළ ස්වල්ප මොහොතකට පසු පක්ෂයේ නායක මාවෙයි සේනාධිරාජා පැවසුවේ තමන් එම තීන්දුව සම්බන්ධව දැනුවත් නැති බවය.
පසුව මීට දිනකට පෙර මාවෙයි සේනාධිරාජා මුණගැසීමට ජනාධිපති රනිල් වික්රමසිංහ කන්කසන්තුරේ පිහිටි ඔහුගේ නිවසට ගිය පසු ජනාධිපතිවරයාගේ වැඩ පිළිවෙළට සහාය දිය යුතු බවට වූ අදහසක් මාවෙයි සේනාධිරාජා ප්රකාශ කළේය. කෙසේ වෙතත් එම්. සුමන්තිරන් ඇතුළු පක්ෂයේ විද්වත් පාර්ශවය සිටින්නේ ජනාධිපති රනිල් වික්රමසිංහ දැඩි ලෙස විවේචනය කිරීමේ ස්ථාවරයක වීම මෙම හදිසි සමාලෝචනය තුළ දෙමළ ජාතික සන්ධානය වාෂ්ප වී ගියාක් සේ ඉලංකෙයි තමල් අරසු කච්චි පක්ෂය බෙදී යෑමේ අවදානමක් සම්බන්ධව ද දේශපාලන මත පලවී තිබේ.
ඔහුගේ පුතා සහ ඝාතනය වූ රවි රාජ් මන්ත්රීවරයාගේ බිරිය එදිනම රාත්රියේ ජනාධිපති රනිල් වික්රමසිංහව හමුවී ස්වකීය සහය ඔවුන්ට පල කර තිබිණි.
