ගණේමුල්ල සංජීව ඝාතන සිද්ධිය සම්බන්ධයෙන් අත් අඩංගුවට ගත් මීගමුව පොලිස් ස්ථානයට අනුයුක්තව සේවය කරන පොලිස් කොස්තාපල්වරයා මාර්තු මස 07 දා දක්වා රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් තනූජා ලක්මාලි නියෝග කළාය.
ඒ අදාල සැකකරු අද පස්වරුවේ අධිකරණයට ඉදිරිපත් කළ අවස්ථාවේ දී ය. ගණේමුල්ල සංජීවට වෙඩි තැබිමේ සිද්ධියට අදාළව දැනට සැඟව සිටින ප්රධාන සැකකාරියවන පිංපුර දේවගේ ඉෂාරා සෙව්වන්දි වීරසිංහ සමග දුරකථනය ඔස්සේ සංවාදයක යෙදී ඇති බවට කරුණු හෙළිදරවු වුන මෙම පොලිස් කොස්තාපල් කොළඹ අපරාධ කොට්ඨාසය විසින් ඊයේ (20) අත් අඩංගුවට ගත්තේය.
මෙම පොලිස් නිලධාරියා මීගමුව මූලස්ථාන පොලිස් ස්ථානයට අනුයුක්තව අපරාධ අංශයේ උසාවි රාජකාරි කරනු ලැබූ අයෙකි. ඔහු සම්බන්ධව අද මහජන ආරක්ෂාව පිළිබඳ අමාත්ය ආනන්ද විජේපාල පාර්ලිමේන්තුවේ දී ද ප්රකාශයක් කළේය.
