සුරාබදු බලපත්ර ලබාගැනීමේ ක්රමවේදය පහසු කර, නව බලපත්ර ක්රමයක් හඳුන්වාදීමට කටයුතු කරන බව සුරාබදු දෙපාර්තමේන්තුව ඇල්ල සංචාරක කලාපයේ අවන්හල් හිමියන් වෙත පවසා තිබේ.
සංචාරකයන්ද ව්යාපාරිකයන් ද අපහසුතාවයට පත්කරමින් ඇල්ල සංචාරක කලාපයේ අවන්හල් පසුගියදා සුරාබදු දෙපාර්තමේන්තුව විසින් පසුගියදා සිදුවූ බව කියන වැටලීම පිළිබඳ තොරතුරු මුදල් අමාත්යවරයා දැනුවත්වීමෙන් පසුව ඔහුගේ නියමයෙන් මේ පිළිබඳ සොයාබලන්නැයි සුරාබදු කොමසාරිස්වරයා වෙත නියෝග කිරීමෙන් පසු සුරාබදු කොමසාරිස්වරයා මේ බව පවසා ඇත.
ඒ අනුව සුරාබදු කොමසාරිස්වරයා අද (25) ඇල්ල හෝටල් හිමියන් මුණගැසී ඒ පිළිබඳව සාකච්චා කර තිබිණ.
හෝටල් හිමියන් විසින් මෙහිදී යල් පැනගිය සුරාබදු නීතියේ ඇති ගැටළු නිසා බලපත්ර ලබාගැනීමේ නොහැකියාව , විවෘත කිරීමේ කාලය වැනි කරුණු කොමසාරිස්වරයා වෙත අවධාරණය කර ඇත.
සංචාරක ව්යාපාරයට ගැලපෙන යාවත්කාලින බලපත් ක්රමයක් නොමැතිකමින් වසරකට ඩොලර් බිලියන 3ක් පමණ ආදායමක් උපයන හෝටල් හිමියන් ඇතුළු සංචාරක ව්යාපාරයේ නියැලෙන පිරිස් ලක්වන අපහසුතාවය පිළිබඳව ඔවුහු මෙහිදී දිගින්දිගටම කරුණු දක්වන ලදී.
එහිදී, වැඩිදුරටත් කරුණු දැක්වූ හෝටල් හිමියන් පැවසුවේ රජයට ප්රධානතම විදේශ විනිමය උපයන මාර්ගයක් වන සංචාරක ව්යාපාරය කොවිඩ් වසංගතය නිසා දැඩි පසුබෑමකට ලක්ව ඇති අතර එය නගා සිටුවීම සඳහා අවශ්ය විශේෂ බලපත්ර ක්රමයක් ලබාදීම තුල ලංකාව පුරා විසිරි ඇති ආයතන 5000 පමණ තම ව්යාපාර කටයුතු තවදුරටත් වර්දනය කරගත හැකි බවයි.
මත්පැන් නියාමන ආයතනය වන සුරාබදු දෙපාර්තමේන්තුව, මුදල් අමාත්යවරයා දැනුවත්කිරීම හරහා නව බලපත්ර ක්රමයක් හඳුන්වාදෙනු ඇති බවට සාකච්ඡා වූ කරුණු ඔස්සේ අවන්හල් හිමියෝ අපේක්ෂා කරති.
