ඉන්දියාව විසින් ෂැංහයි සහයෝගිතා සංවිධානයේ සියලුම සාමාජිකයින්ට එළැඹෙන මැයි හතර සහ පහ දෙදින ගෝවා හි පැවැත්වෙන එම රටවල විදේශ අමාත්යවරුන්ගේ රැස්වීම සඳහා නිල වශයෙන් ආරාධනා කිරීමට පියවරගෙන තිබේ.
ඒ අනුව මෙම රැස්වීම සඳහා පාකිස්ථානයට සහ චීනයට ආරාධනා කිරීමට ඉන්දීයාව පියවරගෙන ඇති බවටද අනාවරණය වේ. එහිදී චීනයේ නව විදේශ අමාත්ය කුයින් ගැන්ග් සහ පාකිස්ථානයේ විදේශ අමාත්ය බිලාවල් බූතෝ හට ආරාධනා කර තිබේ.
විදේශ අමාත්ය බිලාවාල් රැස්වීමට සහභාගි වන්නේද නැද්ද යන්න පිළිබඳව පකිස්තාන පාර්ශ්වයෙන් මෙතෙක් තහවුරු වී නොමැති බව ආරංචි මාර්ග සඳහන් කරයි. මේ මස අගදී මුම්බායි හි පැවැත්වීමට නියමිත ෂැංහයි සහයෝගිතා සංවිධානයේ සිනමා උළෙලට පකිස්ථානය සහභාගී වීමටද නියමිත නෙමැති බවට අනාවරණය වේ. සියලුම රටවල් වෙත මේවන විටත් ආරාධනා යොමුකර ඇති අතර චිත්රපට උළෙල සඳහා කිසිදු චිත්රපටයක් ප්රදර්ශනය සඳහා නොයැවූ එකම රට පාකිස්තානයයි.
ෂැංහයි සහයෝගිතා සංවිධානයේ කළාපීය වශයෙන් ඉතාම වැදගත් සංවිධානය වන අතර එමගින් කළාපීය සහයෝගීතාව මෙන්ම ශක්තිය වාර්ධනය කර ගැනීමට හැකියාව පවතී. මේවන විට ෂැංහයි සහයෝගිතා සංවිධානයේ සමාජිකයින් ලෙස ඉන්දියාව, පාකිස්ථානය, චීනය, කසගස්තානය, කිර්ගිස්ථානය, ටජ්කිස්ථානය සහ උස්බෙගිස්තානය කටයුතර කරයි.
