ලාංකේය දේශපාලන ඉතිහාසයේ යුග පෙරළියක් කරමින් ජාතික ජන බලවේගයේ ජනාධිපති අපේක්ෂක අනුර කුමාර දිසානායක 09 වැනි විධායක ජනාධිපතිවරයා ලෙස තේරි පත් වී තිබේ.
2019 මහ මැතිවරනයේ සියයට 3ක ඡන්ද ප්රතිශයක් සහ පාර්ලිමේන්තු මන්ත්රී ධූර 03ක් පමණක් හිමිව සිටි ජාතික ජන බලවේගය 2024 ජනාධිපතිවරණය දිනාගෙන ජනාධිපතිවරයා ලෙස දිවුරුම් දීම ලෝක දේශපාලන ඉතිහාසයේ ද අපූරු සලකුණක් වී ඇත.
ජයග්රාහී අපේක්ෂකයා නිල වශයෙන් ප්රකාශ කිරීමට මේ වනවිට රාජගිරියේ මැතිවරණ කාර්යාලය සූදානමින් ඇත.
එම අවස්ථාවට සහභාගී වීමට පෙර අනුර කුමාර දිසානායක විසින් සිය ෆේස් බුක් ගිනුමේ විශේෂ සටහනක් තබා තිබේ. එය මෙසේය.
සියල්ල අවසානයේ සැබෑ වෙමින් ඇත්තේ සියවස් ගණනක් අප දුටු සිහිනයයි. මේ සිහිනය සැබෑ කරගනු පිණිස ඉමහත් දුෂ්කරතා මැද ලක්ෂ සංඛ්යාත ඔබ සැම පසුගිය කාලය පුරා දැරූ ප්රයත්නය සඵල වී තිබේ. ඒ වෙනුවෙන් මට ඔබට තුති පිදිය නොහැකිය. ඒ, මෙය මගේ නොව අපේ සාමූහික කටයුත්තක් වන නිසාය. මේ ජය අප සැමගේය.
අප පමණක් නොව මේ ජයග්රහණය වෙනුවෙන් දස දහස් සංඛ්යාත මිනිසුන් තමන්ගේ ලේ, කඳුළු, දහදිය මතු නොව ජීවිත පවා කැප කළහ. අපට පෙර පරම්පරාවෙන් අප අතට පත් වූ යෂ්ටිය තුළ ගැබ්ව ඇත්තේ අපතේ ගොස් නැති ඔවුන්ගේ නිමක් නැති කැපකිරීම්ය. එහි බර අපි හොඳින්ම දනිමු. දශ ලක්ෂ සංඛ්යාත ඔබගේ අපේක්ෂාභරිත දෑස් අප දිරිගන්වාලයි. ශ්රී ලාංකේය ඉතිහාසය අලුතින් ලිවිය යුතු බවට ඇරයුම් කරයි.
සිහිනය මුළුමනින්ම යථාර්ථයක් බවට පත්කරනු පිණිස මේ බිමට නැවුම් ඇරඹුමක් අවැසිය. සිහල, දමිළ, මුස්ලිමානු අප සියලු දෙනාගේ එක්රැස් වූ සවිය ඇරඹෙන යුගයේ මුල් ගලය. නව පුනරුද යුගය ගොඩනැගෙන්නේ ඒ මතය. එන්න අපි ඒ වෙනුවෙන් අත්වැල් බැඳ ගනිමු!
