ශ්රී ලංකා කණ්ඩායම දිගින් දිගටම ලබන අන්ත පරාජයන් හමුවේ දැඩි කළකිරීමට පත්ව සිටින ක්රීඩාලෝලීන් සහ මහජනතාව නියෝජනය කරන කණ්ඩායමක් කොළඹ පිහිටි ශ්රී ලංකා ක්රිකට් මූලස්ථානය ඉදිරිපිට ඊයේ ( 28) දහවල් දැඩි විරෝධතාවයක නිරත වී ඇත
මෙම විරෝධතාවය සඳහා විශාල පිරිසක් සහභාගී වී සිටි අතර, ඔවුන්ගේ ප්රධාන ඉල්ලීම වූයේ වත්මන් ක්රිකට් සභාපති ශම්මි සිල්වා ඇතුළු සමස්ත පාලක මණ්ඩලය වහාම ධුරවලින් ඉල්ලා අස්විය යුතු බවයි.
පාලක මණ්ඩලය ක්රිකට් ක්රීඩාවේ ප්රමිතිය පවත්වා ගැනීමට අපොහොසත් වී ඇති බවට චෝදනා කරමින් “Go Home” වැනි සටන් පාඨ කියමින් විරෝධතාකරුවෝ හඬ නැඟූහ. මෑත කාලීනව ශ්රී ලංකා කණ්ඩායම මුහුණ දුන් “අපකීර්තිමත් පරාජයන්” මෙම ජනතා නැගිටීමට සෘජු හේතුව වී තිබේ.
විරෝධතාවය අතරතුර සාමය පවත්වා ගැනීම සඳහා පොලිස් කණ්ඩායම් යොදවා තිබූ අතර, කිසිදු ප්රචණ්ඩකාරී සිදුවීමක් හෝ අත්අඩංගුවට ගැනීමක් වාර්තා නොවීය.
ශ්රී ලංකා ක්රිකට් පරිපාලනයට එරෙහිව පසුගිය කාලය පුරාම දැඩි විවේචන එල්ල විය. විශේෂයෙන්ම 2025 මාර්තු මාසයේදී ශම්මි සිල්වා සිව්වන වරටත් නිතරගයෙන් සභාපති ධුරයට පත්වීම සම්බන්ධයෙන් ක්රීඩාලෝලීන් අතර තිබුණේ නොපැහැදීමකි. ක්රීඩාවේ පරිපාලනමය වෙනසක් සිදු නොවීම කණ්ඩායමේ පසුබෑමට ප්රධාන හේතුවක් බව විරෝධතාකරුවන්ගේ අදහසය.
මෙම විරෝධතාවයත් සමඟ ඉදිරි දිනවලදී ක්රිකට් පරිපාලනය තුළ යම් තීරණාත්මක වෙනසක් සිදුවනු ඇතැයි බොහෝ දෙනා අපේක්ෂා කරති.
