ශ්රියානි විජේසිංහ
වෛද්ය සැපයුම් අංශය විසින් ඖෂධ හා අයිතම සියයක් පමණ භාර නොගැනීම හේතුවෙන් ඉදිරියේදී රෝහල්වල උග්ර ඖෂධ හිගයක් ඇතිවනු ඇති බව සෞඛ්ය අමාත්යංශ ආරංචි මාර්ග සඳහන් කරයි.
වෛද්ය සැපයුම් අංශයේ අධ්යක්ෂවයරයා මේ වන විට ඉමියුනෝග්ලොබියුලින් එන්නත් වංචාව සම්බන්ධයෙන් රක්ෂිත බන්ධනාගාරගත කිරිම හා නියෝජ්ය අධ්යක්ෂක රෝහල්ගතවීම හේතුවෙන් ඖෂධ භාර ගැනීමට කිසිවෙකුත් වෛද්ය සැපයුම් අංශය තුළ නොමැති වීම මෙම ගැටලුවට හේතු වී ඇතැයි අමාත්යංශ ප්රකාශකයෙකු පැවසුවේය.
මෙම තනතුරු සදහා සෞඛ්ය අමාත්යංශයේ නිලධාරීයෙක් පත්කර වහාම මාර්ගෝපදේශයක් නිකුත් නොකළහොත් රෝහල්වල දැවැන්ත ඖෂධ හිඟයක් මතුවීම වැලැක්විය නොහැකි බවද ඔහු පැවසුවේය.
වසර අවසාන විමට සති තුනකට පමණ පෙර ගබඩා විගණය සිදුකරන බැවින් සැපයුම් භාර ගැනීම නතර කිරිම සමාන්ය යෙන් සිදුවන්නකි. මෙසේ සැපයුම් භාරගැනීම නතර කිරිමට ප්රථම නොවැම්බර් මාසය තුළ වැඩිපුර සැපයුම් ප්රමාණයක් වෛද්ය සැපයුම් අංශයේ ගබඩා තුල තිබිය යුුතු වුවද එවැනි වැඩපිළිවෙළක් දැනට ක්රියාත්මක නොවන බවද හෙතෙම පෙන්වාදේ.
