එළඹෙන 2026 විස්සයි20 ලෝක කුසලාන තරගාවලියෙන් බංගලාදේශය ඉවත් කිරීමට ගත් ICC යේ අවසාන තීරණය නිකුත් කර තිබේ.
ඒ් අනුව බංගලාදේශයේ අවස්ථාව ස්කොට්ලන්තයට ලබා දීමට තීරණය කළ බව ජාත්යන්තර ක්රිකට් කවුන්සිලය (ICC) අද ( ජනවාරි 24 වන සෙනසුරාදා) ලිපියක් මගින් බංග්ලාදේශයට දන්වා ඇතැයි ජාත්යාන්තර මාධ්ය වාර්තා කරයි.
තම ආරක්ෂක ගැටලු සම්බන්ධයෙන් අන්තර්ජාතික ක්රිකට් කවුන්ලිසය නිසි විසඳුම් ලබා නොදුන් බව පවසමින් බංග්ලාදේශය මෙම තරගාවලියෙන් ඉවත් වීමට තීරණය කිරීමත් සමග බංග්ලාදේශය වෙනුවට ස්කොට්ලන්තය නිල වශයෙන් නම් කළ බව ICC ආයතනය ඊයේ නිවේදනය කර තිබිණි.
ජාත්යාන්තර ක්රිකට් කවුන්සිලයේ සභාපති ජේ ෂාගේ ප්රධානත්වයෙන් ඩුබායි හි පැවති රැස්වීමකදී මෙම තීරණය ගෙන ඇත. බංග්ලාදේශය මෙම ගැටලුව ICC ආරවුල් නිරාකරණය කිරීමේ කමිටුවට (dispute resolution committee) යොමු කරන ලෙස ඉල්ලා සිටියද, එම කමිටුවට ICC හි අවසන් තීරණයට එරෙහිව අභියාචනා ශාලාවක් ලෙස කටයුතු කළ නොහැකි බව දන්වා ඇතැයි වාර්තා වේ.
පසුගිය බ්රහස්පතින්දා බංග්ලාදේශ ක්රිකට් පාලක මණ්ඩලය ක්රීඩකයින් සමඟ සාකච්ඡා කිරීමෙන් අනතුරුව තරගාවලිය වර්ජනය කිරීමට තීරණය කළ බව බංගලාදේශ ක්රිකට් ආයතනය ප්රකාශ කළේය.
ස්කොට්ලන්තයේ අවස්ථාව
මෙම තීරණයත් සමඟ මීට පෙර විස්සයි20 ලෝක කුසලාන පහකට සහභාගී වී ඇති ස්කොට්ලන්තයට නැවතත් අවස්ථාවක් උදා වී ඇත. ඔවුන් 2022 සහ 2024 වසරවලදී ද දක්ෂතා දැක්වූ නමුත් සුපිරි 8 දෙනාගේ වටයට පිවිසීමට අපොහොසත් විය. විශේෂයෙන්ම 2024 වසරේදී ඔවුන් ඕස්ට්රේලියාවට සහ එංගලන්තයට දැඩි අභියෝගයක් එල්ල කිරීමට සමත් විය.
යුරෝපීය සුදුසුකම් ලැබීමේ තරගාවලියේදී ස්කොට්ලන්තය නෙදර්ලන්තය සහ ජර්සි යන රටවලට පිටුපසින් සිටියද, ICC ශ්රේණිගත කිරීම්වල ඉදිරියෙන් සිටීම හේතුවෙන් බංග්ලාදේශය වෙනුවට ස්කොට්ලන්තය තෝරාගෙන තිබිණි.
ඒ අනුව, ස්කොට්ලන්තය C කාණ්ඩය යටතේ එංගලන්තය, බටහිර ඉන්දීය කොදෙව්, ඉතාලිය සහ නේපාලය සමඟ තරග කරනු ඇත. ඔවුන්ගේ පළමු තරගය පෙබරවාරි 7 වනදා බටහිර ඉන්දීය කොදෙව් කණ්ඩායමට එරෙහිව පැවැත්වීමට නියමිතය.
