විශේෂඥ වෛද්යවරුන් 250 දෙනෙක් එකම දිනයක විශ්රාම ගැනීම නිසා සෞඛ්ය සේවා සැපයීමට හා පශ්චාත් වෛද්ය පුහුණුවට කිසිම බලපෑමක් සිදුනොවන බවට විශේෂඥ වෛද්යවරුන් කණ්ඩායමක් කළ ප්රකාශය වැරදි සහගත, වංක මෙන්ම ජනතාව නොමග යවන සුළු එකක් බව විශේෂඥ වෛද්යවරුන්ගේ සංගමය කියයි.
එම සංගමයේ සභාපති විශේෂඥ වෛද්ය ලක්කුමාර් ප්රනාන්දු පවසන්නේ 2023 වර්ෂය තුළ විදේශීය පුහුණුව නිමකර මෙරටට නැවත පැමිණෙනු ඇතැයි අපේක්ෂා කරන 299ක් පමණවන විශේෂඥ වෛද්යවරුන් විසින් 2022.12.31 දින විශ්රාම ගැන්වෙන විශේෂඥ වෛද්යවරුන් 249 දෙනාගේ අඩුව පුරවනු ඇතැයි මතුකරන තත්ත්වය කාරණා 05ක් හේතුවෙන් බලාපොරොත්තු විය නොහැකි බවය.
එම විශේෂඥ වෛද්යවරුන් 299 දෙනාම ජනවාරි මාසයේ ලංකාව වෙත නොපැමිණීම, ඉන් යම් වෛද්යවරු සංඛ්යාවක් විශේෂඥ පුහුණුව සම්පූර්ණ කිරීම සඳහා යම් කාලයක් තවදුරටත් පුහුණුව ලැබිය යුතු වීම, රටේ පවතින වත්මන් තත්ත්වය මත එම විශේෂඥ වෛද්යවරුන් සියලුදෙනා මේ වකවානුව තුළම යළි රටට පැමිණෙනු ඇතැයි සුබවාදී බලාපොරොත්තු තබාගත නොහැකි වීම, ලංකාවට පැමිණි පසුද විශේෂඥ පුහුණුව සහතික කරගෙන පිරිසක් ලංකාව හැර යෑමේ හැකියාව, විශේෂඥ වෛද්යවරයෙකුගේ ප්රමිති පරීක්ෂණ සම්පූර්ණ කිරීම සඳහා යම් කාලයක් ගතකිරීමට සිදුවීම සහ නව විශේෂඥ වෛද්යවරුන්ට වෛද්යවරුන් පුහුණු කිරීම සඳහා ආචාර්යවරුන් ලෙස කටයුතු කළ නොහැකි වීම එම කාරණා පහ ලෙස විශේෂඥ වෛද්යවරුන්ගේ සංගමය දක්වා තිබේ.
මෙම විශේෂඥ වෛද්යවරුන් 249 එක්වර විශ්රාම ගන්වන්නේ දැනටමත් විශේෂඥ වෛද්යවරුන් සියයට 45ක හිඟයක් රට තුළ පවතින තත්ත්වයකදී බවද විශේෂඥ වෛද්යවරුන්ගේ සංගමය පෙන්වා දෙයි.
එම නිවේදනය පහත දැක්වේ.
