ශ්රියානි විජේසිංහ –
විශ්වවිද්යාල අනධ්යයන සේවකයින්ගේ ගැටලු විසදිම සඳහා රජය රජය බලකිරිම් උදේඝෝෂණ මාලාවක් හෙට (13) දහවල් 12.00ට විශ්ව විද්යාල පිහිටා ඇති ප්රධාන නගර ආශ්රිතව පැවැත් වීමට කටයුතු යොදා ඇතැයි පේරාදෙණි විශ්ව විද්යාලයේ වෘත්තීය සමිති බලමණ්ඩලයේ ප්රධාන ලේකම් ටී.ඒ.ඩී සුරංජීව පැවසීය.
අනධ්යයන සේවකයින්ගේ වෘත්තීය ගැටලු විසඳීම සඳහා කැබිනට් මණ්ඩලයට ඉදිරිපත් කර ඇති යෝජනාවන්ට සාර්ථක පිළිතුරුක් ලැබෙනු ඇති බව තමන් විශ්වාස කරන බවත් එසේ නොවුවහොත් දින 10ක් පුරා ආරම්භ කර තිබෙන වැඩ වර්ජනය අඛණ්ඩව පවත්වාගෙන යාමට කටයුත කරන බවත් ලේකම්වරයා පැවසුවේය.
අනධ්යයන සේවකයින්ගේ ගැටලු විසඳා විශ්ව විද්යාල අධ්යාපනය යථා තත්තවයට පත් කරනවා වෙනුවට රජය මාර්ගගත අධ්යාපනයක් හඳුන්වා දෙමින් ගැටලුවලට පැලැස්තර විසඳුම් ලබා දීමට කටයුතු කරන බවද හෙතෙම පෙන්වා දුන්නේය.
අනධ්යයන කාර්ය මණ්ඩල සේවකයින්ගේ ගැටලුව වසර 8ක් ඈතට දිව යන්නක් බවත් මේ සම්බන්ධයෙන් සාකච්ඡා පැවැත් වූ සියලුම බලධාරින්ගේ මතය වන්නේ මෙම ගැටලු නිරාකරණය විය යුතු බවත් යැයිද ලේකම්වරයා කීවේය.
වැඩ වර්ජනය පැවතුණද අනධ්යන සේවකයින් මේ වන විට විශ්ව විද්යාලයන් තුළ ආරක්ෂක කටයුතු, රෝහල් පවත්වාගෙන යාමේ කටයුතු, විශ්ව විද්යාල ගොවිපල නඩත්තු කටයුතු , ජල සැපයුම ආදී සියලුම කටයුතු ස්වෙච්ඡාවෙන්ම පවත්වාගෙන ගිය බව ද තම ඉල්ලීම්වලට කැබිනට් අනුමැතිය නොලැබුණහොත් මෙම ස්වේච්ඡා කටයුතුවලින්ද ඉවත් වීමට ක්රියා කරන බවද බලමණ්ඩලය අවධාරණයෙන් දන්වා ඇත.
