මාලදිවයින වෙත පලා ගිය ගෝඨාභය රාජපක්ෂ ජනාධිතිවරයා ඇතුළු පිරිස මේ වන විට සිංගප්පූරුව බලා පිටත්ව ගොස් ඇත. ඔහු එතෙක් මාලදිවයින් රජයේ අනුග්රහය ඇතිව සුරක්ෂිතව කාලය රැදී සිටියේ අති සුඛෝපභෝගී හෝටලයක් වන Waldorf Astoria Maldives Ithaafushi, දීය. එය මාලදිවයිනේ ප්රබල ව්යාපාරිකයෙකු සහ එරට විදේශ අමාත්යවරයාගේ සමීපතමයෙකු වන මොහොමඩ් අලි ජනා හට අයත් හෝටලයකි.
හෝටල් කාර්ය මණ්ඩලයේ විරෝධය –
මාලදිවයින් මාධ්ය වාර්තා කරන අන්දමට එම හෝටලයේ කාර්යමණ්ඩලය විසින් ජනාධිපති රාජපක්ෂ එහි රැදී සිටීමට අවස්ථාව ලබාදීම සම්බන්ධයෙන් සිය දැඩි විරෝධය පළකර ඇති බවටද වාර්තාවේ.
මෙම හෝටලය මාදිවයිනේ පිහිටි මිල අධිකම හෝටල් කිහිපයෙන් එකක් වීමද විශේෂත්වයකි. ඒ අනුව එහි එක රාත්රියක් ගත කිරීම සඳහා ඇමරිකානු ඩොලර් 5903ත් 8760ත් අතර මුදලක් අය කෙරේ. එනම් මෙරට මුදලින් ලක්ෂ විසි ලක්ෂ අනූපන්දහසත් තිස් එක් ලක්ෂ විසිදහස් හාරසිය පනහක් අතර මුදලක් එක් රාත්රියක් සඳහා ගෙවිය යුතුව ඇත.
නෂීඩ් ගේ පැමිණීම
මෙම හෝටලයට අද පෙරවරුවේ මාලදිවයින් කතානායක සහ හිටපු ජනපති අබ්දුල් නෂීඩ් පැමිණ ඇති අතර එහිදී ජනාධිපති රාජපක්ෂ ඇතුළු පිරිස සමඟ දිගු වෙලාවක් ගතකර ඇති බවටද වාර්තාවේ.
මෙලෙස ඉතා සුරක්ෂිතව සිටි රාජපක්ෂ ඇතුළු පිරිස පසුව අද දිනයේ සෞදි ආරාබියට අයත් ගුවන් යානයකින් සිංගප්පූරුව බලා පලා යෑමට එරට වෙලෙනා ජාත්යන්තර ගුවන් තොටුපොලට පැමිණ තිබේ. මෙම අවස්ථාවට මාලදිවයිනේ කාතානයක නෂීඩ්ද පැමිණ ඇති අතර මාලේ ගුවන් තොටුපළ ආසන්යේ පිහිට තවත් සුඛෝපභොගී හෝටලයකට පිරිස පැමිණ ඇත.
නෂීඩ්ටත් විරෝධය
එම ස්ථානයේ සිට කෙළින්ම ගුවන් යානය වෙත ජනාධිපතිවරයා සහ නෂීඩ් පැමිණ ඇති බව සඳහන් වේ. රාජපක්ෂ ඇතුළු පිරිස සුරක්ෂිතව ගුවන් යානයට ගොඩවන තෙක්ම නෂීඩ් එහි රැදී සිට තිබේ.
මෙම අවස්ථාවේදී රාජපක්ෂ ඇතුළු පිරිසට දැඩි ආරක්ෂාවක් ලබාදී ඇති අතර ඊට මාලදිවයින් ජාතික ආරක්ෂ බලකායට අයත් යාත්රා දෙකක් එක්ව තිබේ.
කෙසේ වෙතත් නෂීඩ් සහ මාලදිවයින් රජයට එරට වැසියන්ගෙන් සහ එරට වෙසෙන ශ්රී ලංකිකයන්ගෙන් දැඩි විරෝධයක් එල්ලවී ඇත. එරට විපක්ෂයද මේ සම්බන්ධයෙන් දැඩි විවේචන එල්ල කර ඇත.
