රාජ්ය දේපල අත්පත් කරගනිමින් ඒවාට හානිකළ සියලු දෙනාට එරෙහිව පොදු දේපල හා පුරාවිද්යා අඥා පනත යටතේ නඩු පැවරීමට ආරක්ෂක අමාත්යාංශයේ උපදෙස් මත පියවර ගෙන ඇතැයි ඉතා විශ්වාසකටයුතු ආරංචි මාර්ග ලංකාසරට වාර්තා කළේය.
ජනාධිපති මන්දිරය, ජනාධිපති ලේකම් කාර්යාලය, අග්රාමාත්ය ලේකම් කාර්යාලය අත්පත් කරගනිමින් ඒවායේ සම්පත් විනාශ කළ අරගලකරුවන්ට එරෙහිව නඩු පවරන ලෙස වැඩබලන ජනාධිපති රනිල් වික්රමසිංහ යටතේ ඇති ආරක්ෂක අමාත්යාංශය විසින් ලබා දී ඇති උපදෙස් මත මෙම පියවර ගෙන තිබේ.
අරගලකරුවන් විසින් ඉහත රාජ්ය ආයතන අත්පත් කරගැනීමෙන් පසු ඒවායේ තිබූ පුරවිද්යා විටිනාකමකින් යුතු භාණ්ඩ සහ අනෙකුත් භාණ්ඩ රැසක් අතුරුදහන් කර සහ අලාභානි සිදුකර ඇති බව මේ වනවිට අනාවරණය කරගෙන තිබේ.
රාජ්ය සම්පත් විනාශ කිරීම සම්බන්ධ පිරිස හඳුනා ගනිමින් ඔවුන්ගේ ලේඛණයක් ද මේ වනවිට සකසා ඇති බවත් දැනට සිදුකර ඇති පරීක්ෂණ අවසන් වූ වහා අපරාධ පරීක්ෂණ දෙපාර්තමේන්තුව නඩු පැවරීමට කටයුතු කරන බවත් ආරක්ෂක අමාත්යාංශ ආරංචි මාර්ග අනාවරණය කළේය.
