පවතින තත්ත්ව මත තව දුරටත් රට විනාශය කරා තල්ලුනොකර වහාම පාර්ලිමේන්තුව විසුරුවා හැරීමේ යෝජනාවක් කාතානායකවරයා වෙත භාර දීමට ආණ්ඩුවේ මධ්යස්ථ මතධාරීන් සහ විපක්ෂයේ පක්ෂවල අවධානය යොමු වී ඇත.
මේ සම්බන්ධව සාකච්ඡා වට කීපයක් පසුගිය සතියේ පවත්වා ඇති අතර ඒවා ඉතාම සාර්ථක වූ බවත් ඉතා කඩිනමින් පාර්ලිමේන්තුව විසුරුවාහැරීමේ යෝජනාව ඉදිරිපත් කිරීමට තීන්දු වූ බවත් විපක්ෂයේ පාර්ලිමේන්තු මන්ත්රීවරයෙක් ලංකාසරට පැවසීය.
ජනාධිපති අගමැති සහ ආණ්ඩුවේ තවත් පක්ෂයක් දෙකක් එක්ව මහා කුමන්ත්රණයක් දියත් කරමින් ඇති බවත් එහි මූලික අරමුණ වී ඇත්තේ පිහිටුවීමට යෝජිත ආණ්ඩුවේ බලය මෙන්ම විපක්ෂ නායක ධුරය මෙන්ම විපක්ෂයේ බලතල පොදුජන පෙරමුණට ලබා ගැනීම බවත් එම මන්ත්රීවරයා අවධාරණය කළේය.
රට මහා ව්යසනයකට මුහුණ දී ඇති මෙවැනි අවස්ථාවක තවදුරටත් අවශ්ය වී ඇත්තේ සර්ව පාක්ෂික ආණ්ඩුවක් හෝ වෙනත් ආණ්ඩුවක් පිහිටුවා රට ඉදිරියට ගෙනයෑමට නොව ඔවුන්ගේ බලය තවදුරටත් තහවුරු කරගැනීමට අවසාන මෙහොත දක්වා කටයුතු කිරීම බව ඔහු සඳහන් කළේය.
මේ තත්ත්වය මත රට මහා අවදානමකට ලක්ව තිබිය දී අන්තර්පාලන ආණඩු පිහිටුවීම සහ එහි ක්රියාකාරිත්වය ගැන සාකච්ඡා කරමින් තවදුරටත් කාලය ගතකරනවාට වඩා පාර්ලිමේන්තුව වහා විසුරුවා හැර තමන් කැමති පාලනයක් පිහිටුවා ගැනීමට ජනතාවට අවස්ථා දීම කාලෝචිත පියවරක් වනුඇති බව එම මන්ත්රීවරයා කීවේය.
මහා මැතිවරණයක් පැවැත්වීමට අදාලව මුදල් ප්රතිපාදන සොයාගත නොහැකි බව පවසමින් කුමන්ත්රණකාරී වැඩපිළිවෙළක් දියත් කරන්නේ ආණ්ඩුව කෙසේ හෝ තව දුරටත් දිනක් හෝ බලයේ සිටීමේ අරමුණින් බව ඔහු කීවේය.
කෙසේ හෝ බලයේ රැඳී සිටීමට වත්මන් පාලකයින් දරන උත්සාහය පරාජය කිරීමට හැකි එකම මග වන්නේ ආණ්ඩුවේ සිටින රට ගැන සිතන කණ්ඩායම හා එක්ව වහාම පාර්ලිමේන්තුව විසුරුවාහැරීමේ යෝජනාවක් ඉදිරිපත් කර සම්මත කර ගැනීම බව ඔහු පෙන්වා දුන්නේය.
