ප්රබල විපක්ෂ සන්ධානයක් ගොඩනැගීම සඳහා සාකච්ඡා පැවැත්වෙමින් ඇති අවස්ථාවක විවිධ කොන්දේසි පනවමින් විපක්ෂ නායක සජිත් ප්රේමදාස විසින් ගෙනයන අනම්ය ප්රතිපත්තිය පිළිගත නොහැකි තත්ත්වයක් මතුවී ඇතැයි විපක්ෂ දේශපාලන ආරංචි මාර්ග පවසයි.
මේ වනවිට සිලින්ඩරය ලකුණින් තරග කිරීමට පොහොට්ටුවෙන් ගිලිහී ගිය කොටස් සමග සාකච්ඡා පවත්මින් හිටපු ජනාධිපති රනිල් වික්රමසිංහ ප්රමුඛ සන්ධානයක් ගොඩනැගීමේ අදහසක් විපක්ෂය තුළ ඇති වී තිබෙන බව වාර්තා වේ.
මෙවැනි විකල්පයකට ගමන් කිරීමට සිදුවී ඇත්තේ එක්සත් ජාතික පක්ෂයෙන් හිටපු ජනාධිපතිවරයා ඉවත් වී රුවන් විජේවර්ධනගේ පක්ෂ නායකත්වය තුළ සජිත් ප්රේමදාස වෙත අගමැති අපේක්ෂක ධූරය පිරිනමා තරග වැදිය හැකි ආකාරයක් සම්බන්ධව ඇතිවන සාකච්ඡාවලට හෝ සජිත් ප්රේමදාසගෙන් සාධනීය ප්රතිචාරයක් නොමැති වීම නිසා බවද අභ්යන්තර ආරංචි මාර්ග කියයි.
අද වනවිටත් සමගි ජන බලවේගය සමග එක්සත් ජාතික පක්ෂය එක්වීමට අදාල සාකච්ඡා පිළිබඳව නිශ්චිත නිගමනයකට පැමිණ නැති බව අද මාධ්ය වෙත අදහස් දක්වමින් හිටපු කැබිනට් ඇමති හරීන් ප්රනාන්දු මාධ්යයට කීවේය.
ඔහු පැවසුවේ විපක්ෂයක් හදාගැනීම සඳහාවත් විපක්ෂ කණ්ඩායම්වලට එකඟවීමට නොහැකි නම්” විපක්ෂයත් අනුරටම දුන්නා නම් ඉවරයි” යනුවෙනි.
කෙසේ වෙතත් ලබන අඟහරුවාදා වනවිට විසිරී සිටින විපක්ෂ කණ්ඩායම් අවසන් නිගමනයකට එළඹෙනු ඇති බව වාර්තා වේ
