ලලිත් චාමින්ද
ධාරණිපාත වර්ෂාවත් සමග ගිංගඟ පහළ නිම්නයේ එළවළු කොරටු රැසක් ජලයෙන් යටවීම සිය වගාවන් විනාශවි ඇති බැව් කොරටුගොවීහු පවසති.
හෝළුවාගොඩ ඇළ පිටාරගැලිම නිසා හෝළුවාගොඩ, ඕපාත, වක්වැල්ල, මිපාවල, බාස්වත්ත, කපුහෙම්පල, උක්වත්ත බටහිර යන ප්රදේශවල එළවළු කොරටු රැසක් ජලයෙන් යටවි ඇති බැව් කොරටුගොවීහු පවසති.
උක්වත්ත බටහිර ප්රදේශයේ පමණක් එළවළු කොරටු අක්කර 10 කට ආසන්න ප්රමාණයක් ජලයෙන් යටවී විනාශව ගොස්ය.
සිය වගාබිම් ජලයෙන් යටවිම නිසා මේ ගොවීන් දැඩිය අසරණ වී ඇත. . එමෙන්ම ආණ්ඩුවේ කාබනික ගොවිතැනට එක් වෙමින් වි වපුරා තිබු කුඹුරු ද ජලයෙන් යටවි ගොස්ය.
කාබනික ගොවිපල සුන්…
හෝළුවාගොඩ දියදම් ගොවිබිමේ වගාකටයුතුවල නිරතව සිටින කොරටුගොවියකු වන රවින්ද්ර ජාගොඩ මෙසේ කිවේය.
“හෝළුවාගොඩ දියදම් ගොවිබිමේ තමයි අපි වගාකටයුතු කරන්නේ. කාබනික පොහොර යොදලා වසවිසෙන් තොර එළවළු පාරිභෝගිකයාට ලබාදෙන්න තමයි වගාකටයුතු සිදුකරන්නේ. ගොම කුකුළු, පොහොර යොදලා තමයි එළවළු වගා කළේ.
“අස්වැන්න නෙලිමට තිබියදි එළවළු කොරටු යටවෙලා ගියා. බොහෝවිට නැවත මේ හානිය ගොඩගන්න බැරි වේවි. ඉහළ හා පහළ අමුණ අතර සංනිවේදන ජාලයක් ක්රියාත්මක නැහැ. ඉහල අමුණ අරිනවා පහළ අමුණේ ගොවින් දන්නේ නැතිව. පහළ අමුණ දමලා ඉහල අමුණු අරිනවා. වාරිමාර්ග නිලධාරින්ගේ අවධානය මේ සදහා යොමුවිය යුතුයි.“
අජිත් අඹවත්ත ද දියදම් ගොවිබිමේ වගාකටයුතුවල නිරත ගොවියෙකි.
අපි කොරටුගොවිතැන ඉතා සාර්ථක ලෙස කරගෙන ආවා. නමුත් අස්වැන්න නෙලීමට ඔන්න මෙන්න කියා තිබියදි කිහිපවතාවක් කොරටුවගාවන් ජලයෙන් යටවුනා. වගාවන් විනාශවුනා.
මේ ස්ථානයේ ශක්තිමක් ගොවි කණ්ඩායමක් ඉන්නවා. විශාල වියදමක් දරලා තමයි කාබනික වගාකටයුතු සිදුකරන්නේ. අමුණු විවෘත කිරිමේ දි නිසි ක්රමවේදයක් නැහැ. නැවත මුල ඉඳන් පටන්ගන්න සිද්ධ වේවි. ඒත් අපි වගාව අත්හරින්නේ නැහැ. දැන් අපට උදවු අවශ්යයයි. මේ අපරාධය යළි යළිත් වෙන්න දෙන් එපා. එළවළු බිජ හෝ පොහොර ලබාදිලා වගාව යලි ආරම්භ කිරිම සදහා උදව් කරන්න ලෙස බලධාරින්ගෙන් ඉල්ලා සිටිනවා .
අපරාධය කරන්නෛ වාරිමාර්ගෙ ලොක්කො….
ඕපාත ප්රදේශයේ කොරටුගොවියකු වන හේමන්ත මැද්දේකන්ද කිවේ මෙවැනි කථාවකි.
ගොම කුකුළු සහ එළු පොහොරවල මිල වැඩිවෙලා. කාබනික පොහොර යොදලා විශාල වියදමක් දරලා තමයි එළවළු කොරටු වගා කළේ. අස්වැන්න නෙලන්න ඔන්න මෙන්න තිබුණෙ. කොරටු වතුරෙන් යටවුනා, මේ පාර බේරගන්න බැරි වේවි.
මේ අපරාධය හැම වතාවෙම වගේ සිද්ධ වෙන්නේ වාරිමාර්ග නිලධාරින්ගේ නිසි කළමනකරණයක් නොමැතිවීම නිසයි.
හෝළුවාගොඩ ඇළේ ජල මට්ටම වක්වැල්ල ජලමාපකයේ මිටර් 1.2ක් සටහන්ව තිබු අතර ගිංගග වාරිමාර්ග ඉංජිනේරුකාර්යාල පවසන්නේ මේ වනවිට ගිංතොට හා මහමෝදර මෝයකටවල් විවරකොට ඇති බවය.
ජලය බැසයමින් පවතින බවද වාරිමාර්ග ඉංජිනේරුකාර්යාලය කීවේය. ගිංගගේ ජල මට්ටම වැඩිවිම නිසා හෝළුවාගොඩ ඇළ මාර්ගයේ ජලය ගිංගගට බැස්සවිමට නොහැකි බවද ගිංගග වාරිමාර්ග ඉංජිනේරු කාර්යාලය පෙන්වා දුන්නේය. මේ වනවිට මහමෝදර මෝයකට බැකෝයන්ත්රයක් යොදවා පුළුල්කොට ඇති බවද වාරිමාර්ග ඉංජිනේරුකාර්යාලය කීවේය.
