ඉදිරියේදී එලඹෙන අයවැයේදී ප්රාදේශීය සහ දිස්ත්රික් මට්ටමේ වානිජ මණ්ඩලවලින් යෝජනා ලබා ගැනීමට මෙතෙක් කටයුතු කර නොමැති බවත් රටේ ආර්ථිකයට විශාල දායකත්වයක් ලබා දෙන කුඩා, සුළු සහ මධ්ය පරිමාණ කර්මාන්තවලට තම යෝජනා ඉදිරි අයවැයට ඉදිරිපත් කිරීමේ අවස්ථාවක් සාමාන්යයෙන් ලැබුණද මෙවර එය තවමත් සිදු නොවුණු බවත් ක්ෂුද්ර, සුළු හා මධ්ය පරිමාණ කර්මාන්ත මණ්ඩල සම්මේලනයේ සභාපති සහ මෙරට ප්රධාන පෙළේ ව්යාපාර නායකයකු වන නවාස් රාජබ්දීන් මහතා පවසයි.
කොවිඩ් වසංගතයත් සමඟ මෙම අංශය නියෝජනය කරන කර්මාන්තකරුවන් ඇතුළු ව්යවසායකයන්ට තම ව්යාපාර කරගෙන යාමේදී අති විශාල ගැටලු ප්රමාණයකට මුහුණ පාන්නට සිදුව ඇති බවත් මේ තත්ත්වය මත මෙම කුඩා පරිමාණ ආයතනවල සේවය කළ බොහෝ පිරිසකට ආදායම් අහිමි වීම හෝ රැකියා අහිමි වීමේ තත්ත්වයක් නිර්මාණය වී ඇති බව රාජබ්දීන් මහතා පෙන්වා දෙයි. ඔවුන් මේ වනවිට ප්රායෝගිකව මුහුණ දෙන මෙම ගැටලු මැද, ඊළඟ වසරේදී ලබා දිය යුතු විසඳුම් සම්බන්ධයෙන් යෝජනා ලබා දීමේ ප්රාෙයා්ගික අත්දැකීම් ඇත්තේ ඔවුන්ට වුවද තවමත් මුදල් අමාත්යවරයාගෙන් එවැනි අවස්ථාවක් නොලැබුණ බව රාජබ්දීන් මහතා සඳහන් කළේය.
“ රටේ සියලුම දිස්ත්රික්කවල ක්ෂුද්ර සුළු සහ මධ්ය පරිමාණ කර්මාන්ත දැඩි අසාධ්ය තත්ත්වයෙන් පසුවන්නේ. මේ සෑම ව්යාපාරයක්ම ලොකු අර්බුදයකට ගිහින් තිබෙනවා. ඔවුන්ට රජය බිලියන 160ක පමණ විශාල සහනයක් ලබා දුන් බවට ප්රකාශ කළත් මේ සියල්ලම පවතින්නේ කඩදාසි කොලවල පමණයි. මෙයින් රටේ බහුතරයක් ව්යාපාරිකයන්ට දැනෙන දෙයක් සිදුවුණේ නෑ. එයයි ඇත්ත තත්ත්වය. මෙම අරමුදල් සහන බිම් මට්ටමට ගියේ නෑ. එයින් සහන ලැබුණේ ලොකු ලොකු සමාගම්වලට සහ බැංකුවලට පමණයි. මහජන බැංකුවේ සභාපතිවරයාම කියනවා ඔවුන්ගේ ගනුදෙනුකරුවන්ට රුපියල් මිලියන 37ක සහනයක් ලැබුණා කියල. එහෙම කියන්න බැහැත මේ මුදල් වෙන් වුණේ මේ රටේ කුඩා පරිමාණයේ සෑම ව්යාපාරිකයකුටම. මෙම තත්ත්වය තුළ මෙම සුළු මධ්ය සහ කුඩා පරිමාණයේ ව්යාපාරිකයන් නියෝජනය කරන ප්රාදේශීය සහ දිස්ත්රික් මට්ටමේ ව්යාපාර සංවිධාන වානිජ මණ්ඩල දැඩි කලකිරීමෙන් පසුවෙනවා. අපි දුටුවා රාජ්ය අංශයේ නියෝජිතයන්ගෙන් අයවැය සම්බන්ධයෙන් අදහස් විමසනවා. මම විශ්වාස කරන්නේ ඔවුන්ගෙන් අදහස් විමසීමට කලින් මේ රටේ ආරථිකය ධාවනය කරන බහුතරයක් සිටින පෞද්ගලික අංශයෙන් මුලින් අදහස් ලබා ගත යුතු බවයි.“ යනුවෙන්ද නවාස් රාජබ්දීන් මහතා පෙන්වා දෙයි.
මෙරට වයාපාර කෂේත්රය පෙළන ප්රශ්න පිළිබඳ හසල අත්දැකීම් ඇත්තකු වන නවාස් රාජබ්දීන් මහතා මේ ත්ත්වය මත රජයට යෝජනා කරන්නේ අයවැය යෝජනා සකස් කිරීමට පෙර අවම වශයෙන් එකම දිනයක සියලුම සංවිදාන කැඳවීමෙන් හෝ ආදළ අදහස් ලබා ගැනීමට තවමත් කාලය පවතින බවයි.
