කීර්ති ප්රනාන්දු –
වසර 40 ක පමණ කාලයක පටන් මිනුවන්ගොඩ නගරයේ පවත්වාගෙන ගිය රාජ්ය ඔසුසල හදිසියේ වසා දැමීමෙන් ජනතාව දැඩි අපහසුතාවයකට පත් වි තිබේ.
මෙම රාජ්ය ඔසුසළ මිනුවන්ගොඩ නගර මධ්යයේ පවත්වාගෙන ගිය අතර එයින් අතිවිශාල ජනතාවක් ඖෂධ අවශ්යතාවයන් සපුරා ගෙන තිබිණ .
මෙම ඔසුසල පවත්වාගෙන ගිය ගොඩනැගිල්ලේ පවතින අඩුපාඩු සහ ඔසුසලේ ආදායම අඩු බව පවසමින් ඉහළ නිලධාරීන් විසින් මෙය වසා දැමීමට පියවර ගෙන ඇති බව පවසන ජනතාව මෙය විධිමත්ව පවත්වාගෙන යාමට බලධාරීන් පියවර නොගැනීම පිළිබඳව අප්රසාදය පළ කරති. .
මෙසේ ඔසුසල වසා දැමීම හේතුවෙන් මාසික වෛද්ය ප්රතිකාර ලබන රෝගීන් අති විශාල පිරිසකට රජයේ ඔහු සැලකින් අඩු මිලට බෙහෙත් ලබා ගැනීමට තිබූ අවස්ථාව අහිමි වී ඇති බවත් එම රෝගීන්ට පෞද්ගලික ඔසුසල් වලින් අධික මිල ගණන් යටතේ ඖෂධ මිලදී ගැනීමට සිදුවන බවත් ඔවුහු පෙන්වා දෙති .
මෙම රජයේ ඔසුසැල මගින් ඖෂධ මිලදී ගැනීම සඳහා මිනුවන්ගොඩ, ජා ඇල, කටුනායක, කොටුගොඩ ,වේයන්ගොඩ, දිවුලපිටිය ,ඇතුළු බොහෝ ප්රදේශවල ජනතාව පැමිණි බවද ඔවුහු කියති .
එබැවින් මිණුවන්ගොඩ නගරයේ ඉතා වටිනා සම්පතක් වන මෙම ඔසුසල ආපසු මිනුවන්ගොඩ නගරය තුළ ස්ථාපිත කර රජයේ ඔසු සලක් මගින් සහන මිල ගණන් යටතේ ඖෂධ මිලදී ගැනීමට ජනතාවට ඇති පහසුකම සුරක්ෂිත කර දෙන ලෙස එම ජනතාව රජයෙන් ඉල්ලා සිටි .
