ලලිත් චාමින්ද –
ශ්රි ලංකා වරාය අධිකාරියේ සේවක අතිරික්තයක් පැවති අංශවල සේවකයින් සදහා 2021 වර්ෂය තුළදි රුපියල් මිලියන 1173ක ( බිලියන 1.173) අතිකාල දිමනා ගෙවා ඇති බැව් ජාතික විගණන කාර්යාලය පවසයි.
එම වර්ෂය තුළ වරාය අධිකාරියේ සේවකයින් සදහා ගෙවා ඇති සමස්ත අතිකාල දිමනා මුදල රුපියල් මිලියන 5,850ක් බවද විගණන වාර්තාවේ සදහන් වේ.
අතිකාල ගෙවිම සම්බන්දයෙන් කළ වැඩ වාර්තා විගණනය සඳහා ඉදිරිපත් කොට නොතිබු බවද විගණන වාර්තාවේ සඳහන් වේ.
අධිකාරියේ කළමණාකාරිත්වය විසින් කාර්ය මණ්ඩලය පලදායිව සේවයේ යොදවා අතිකාල වියදම් අඩුකරගැනිමට කටයුතු කළයුතු බවට විගණනය මගින් නිර්දේශකොට ඇත.
එමෙන්ම අධිකාරියේ මෙහෙයුම් කටයුතු වෙනුවෙන් සෘජුව සම්බන්දතාවයක් නොදක්වන අංශ 12ක සේවකයින් 427 දෙනෙකුගේ අතිරික්තයක් පවතින බවද විගණනය මගින් අනාවරණය කොට ඇත.
2021 වර්ෂයේ දෙසැම්බර් මස 31 දිනට අධිකාරියේ කොට්ඨාස 24 මගින් ඉදිරිපත් කරණු ලැබු කාර්ය මණ්ඩල විස්තර අනුව තනතුරු 77කට අදාලව අනුමත කාර්යමණ්ඩලය ඉක්මවා සේවකයින් 513 දෙනෙකු සේවයේ යොදවා තිබුණි.
එහෙත් අධිකාරියේ මෙහෙයුම් කටයුතු සදහා සෘජුවම සම්බන්ධතාවයක් දක්වන අංශයන්හි සේවකයින් 633 දෙනෙකුගේ පුරප්පාඩු පවතින බවද විගණන වාර්තාවේ සඳහන් වේ.
මේ සම්බන්දයෙන් වරාය අධිකාරියේ කළමණාකාරිත්වය විසින් විගණනයට සදහන් කොට ඇත්තේ එක් එක් කොට්ඨාසයේ කාර්යාල කටයුතු සදහා කළමනාකරණ සහකාරවරුන්ගේ සේවා අවශ්යතාවය පවතින බැවින් ඉහත සදහන් පරිදි අතිරික්තයක් ලෙස පෙනෙන කළමණාකරන සහකාරවරුන් සඳහා නිතිපතා ඉටුකිරිමට රාජකාරි පවතින බවය.
කළමණාකරණ සේවා දේපාර්තමේන්තුව මගින් අනුමත කරන ලද සේවක සංඛ්යාව තුළ විවිධ කාර්ය සහායක, සෞඛ්ය සේවක, ඡයා අනුපිටපත්යන්ත්ර ක්රියාකරු, මුළුතැන්ගෙයි සහායක යන තනතුරු ඇතුළත්ව නොමැති බවද අධිකාරියේ කළමණාකාරිත්වය විසින් විගණනයට සඳහන් කොට ඇත.
එම තනතුරු හා තවත් තනතුරු කිහිපයක් වෙනුවට වැඩසහායන තනතුරු අලුතින් ඇතිකොට ඇත. එහෙත් ඉහත තනතුරුවල එවකට සිටි සේවකයින් එම තනතුරු නාමයන් වලින්ම සිටින බැවින් ඔවුන් අතිරික්තයක් සේ පෙන්නුම්කරණු ඇති බවද අධිකාරියේ කළමණාකාරිත්වය විසින් විගණනයට සදහන්කොට ඇත.
ශ්රි ලංකා වරාය අධිකාරිය සම්බන්දයෙන් 2021 වර්ෂයට අදාලව මෙකි විගණන වාර්තාව නිකුත්කොට තිබුණි.
