වනිඳු හසරංගට නවසීලන්තයට එරෙහිව පැවැත්වීමට නියමිත එක්දින තරගාවලිය අහිමි වී තිබේ. දෙවැනි විස්සයි20 තරගයේදී පන්දු යවමින් සිටියදී වම් පාදයේ මස්පිඬුවල ආබාධයකට ලක්වීම හේතුවෙන් හසරංග නැවත කොළඹට ගෙන්වා ඉහළ කාර්ය සාධන මධ්යස්ථානයේ පුනරුත්ථාපනය කර ඇති බව ශ්රී ලංකා ක්රිකට් තහවුරු කර ඇත. හසරංග වෙනුවට දුෂාන් හේමන්ත සංචිතයට කැඳවා තිබේ.
තරග තුනකින් සමන්විත එක්දින තරගාවලිය හෙට (13) ආරම්භ වන අතර ඉතිරි එක්දින තරග දෙක නොවැම්බර් 17 සහ 19 යන දිනවල පැවැත්වීමට නියමිතය. පළමු තරගය රංගිරි දඹුල්ල ජාත්යන්තර ක්රිකට් ක්රීඩාංගණයේදීත් අවසන් තරගය පල්ලෙකැලේ ජාත්යන්තර ක්රීඩාංගණයේදීත් පැවැත්වේ.
මේ අතර ඉරිදා දිනයේදී විස්සයි 20 තරගාවලියේ තියුණු ජයග්රහණයක් ලබා සම කළ නවසීලන්තය එක්දින තරගාවලිය සඳහා සිය ප්රධාන වේග පන්දු යවන ක්රීඩක ලොකී ෆර්ගියුසන් නොමැතිව ද තරග වදිනු ඇත.
දෙවැනි විස්සයි20 තරගයේදී කඩුලු ත්රිත්වයක් ලබාගත් ෆර්ගියුසන්ට සිය දෙවැනි ඕවරය යවන අතරතුර ඇති වූ අපහසුතාවයක් හේතුවෙන් පිටියෙන් ඉවත් වීමට සිදුවිය. ඔහු එක්දින තරගවලට ක්රීඩා කිරීමට සුදුසු තත්ත්වයක නොසිටින බව වාර්තා වේ.
ෆර්ගියුසන් වෙනුවට ඇඩම් මිල්න් නවසීලන්ත සංචිතයට එක් කර ඇත. අබාධය තක්සේරු කිරීමට සහ සුවවීමේ කාලසීමාව තීරණය කිරීමට ඔහුව ස්කෑන් පරීක්ෂණයකට ලක් කිරීමට නියමිතය. ෆර්ගියුසන් අද නවසීලන්තයට පිටත් වී යනු ඇත.
