කීර්ති ප්රනාන්දු –
පාසල් දරුවන් ගේ අධ්යාපන හා සන්නිවේදන කටයුතු සඳහා සමාජ මාධ්ය සමූහ මගින් සිදුවන ඍණාත්මක හානි අවම කරගැනීම ඉලක්ක කරගෙන එම සමාජ මධ්ය භාවිතය නියාමනය විය යුතු ආකාරය නිර්දේශ කරමින් අධ්යාපන අමාත්යාංශ්ය විශේෂ චක්රලේඛයක් නිකුත් කර ඇත.
පාසල් අධ්යාපන කටයුතු සහ සන්නිවේදනය සඳහා “සමාජ සන්නිවේදන යෙදවුම් ” භාවිත කිරීමේ දී පාසල් ප්රධානීන්වන විදුහල්පති/ නියෝජ්ය විදුහල්පති/ සහකාර විදුහල්පති/ අංශ ප්රධාන ගුරුවරුන් අදාළ සන්නිවේදන සමුහයේ (Whatsapp වැනි) පරිපාලක (Admin) ලෙස කටයුතු කරමින් නිරන්තර අධික්ෂණය හා නියාමනය යටතේ ගුණාත්මක වෙමින් සන්නිවේදන සමූහය පවත්වාගෙන යා යුතු බවත්, අවිධිමත් ලෙස පාසල් ප්රජාව හා ගුරුවරුන් සම්බන්ධ කර ගනිමින් පවත්වා ගෙන යනු ලබන සන්නිවේදන යෙදවුම් සමූහ මඟින් පාසලේ කීර්තිනාමයට හෝ පාසල් ප්රජාවට සහ සිසු දරුවන්ට ඕනෑම හානියක දී රටේ පවතින පොදු නීතිය සහ තොරතුරු සන්නිවේදන පනත අනුව එම සමූහ පරිපාලනය කරන තැනැත්න්ට නීතිමය පියවර ගනු ලබන බවත් එම චක්රලේඛය හරහා අධ්යාපන ලේකම්වරිය අවධාරණය කර තිබේ.
සිසුන් විසින් නිවසේ දී සිදු කළ යුතු අභ්යාස හා පැවරුම ආදිය සිසුන්ට ලබා දීම පාසල් පන්ති කාමර ඉගෙනුම් ඉගැන්වීම් ක්රියාවලිය අතරතුර පැහැදිලි කිරීමෙන් පමණක් සිදුකළ යුතු බවත්, දෙමාපියන් සහ පවුලේ අනෙක් සාමාජිකයින්ද අපහසුතාවයට පත් කරමින් ඉහත සන්නිවේදන යෙදවුම් මේ සඳහා යොදා නොගත යුතු බවත් අධ්යාපන ලේකම්වරිය මෙම චක්රලේඛය හරහා පාසල් පරිපාලනයට තරයේ අවධාරණය කර ඇත. එමෙන්ම විෂය නිර්දේශ ආවරණය සමාජ මාධ්ය සමූහ හරහා සිදුකිරීම ද මෙම චක්රලේඛය හරහා වළක්වා තිබේ.
අදාල චක්රලේඛය පහත දැක්වේ.
පාසල් අධ්යාපන කටයුතු සහ සන්නිවේදනය සඳහා “සමාජ සන්නිවේදන යෙදවුම් ” භාවිත කිරීම
කොවිඩ 19 වසංගත තත්ත්වය හමුවේ පාසල් සිසුන්ට අතපසු වූ අධ්යාපන අවස්ථා ආවරණය කිරීමට Dodඇප් (Whatsapp), වයිබර් (Viber), ටෙලිග්රෑම් (Telegram) වැනි සමාජ සන්නිවේදන යෙදවුම් භාවිතා කරමින් පාසල් පද්ධතියෙහි සන්නිවේදන කටයුතු සිදු කරන ලදී. මේ වන විටත් පාසල් පද්ධතිය තුළ එම සන්නිවේදන යෙදවුම් ඔසේ සිසුන් සහ දෙමාපියන් වෙත අතිරේක ඉගෙනුම් ආධාරක ලබා දීම, විෂය සටහන් හුවමාරුව, සන්නිවේදනය යනාදී කාර්යයන් ක්රියාත්මක වේ.
02. පාසල් අධ්යාපන කටයුතු සදහා ඉහත සමාජ සන්නිවේදන යෙදවුම් භාවිත කිරීම හේතුවෙන් සිදුවන අහිතකර බලපෑම් පිළිබඳව මෙම අමාත්යාංශයට තොරතුරු වාර්තා වෙමින් පවතී. එබැවින් සන්නිවේදන යෙදවුම් භාවිතයේ දී පහත උපදෙස් පරිදි කටයුතු කරන ලෙස සියලුම ගුරුවරුන් හා අදාළ පාර්ශ්වයන් දැනුවත් කරන ලෙස අවධාරණය කරමි.
1. පාසල් ප්රධානීන් නියෝජ්ය විදුහල්පති/ සහකාර විදුහල්පති/ අංශ ප්රධාන ගුරුවරුන් අදාළ සන්නිවේදන සමුහයේ (Whatsapp වැනි) පරිපාලක (Admin) ලෙස කටයුතු කරමින් නිරන්තර අධික්ෂණය හා නියාමනය යටතේ ගුණාත්මක වෙමින් සන්නිවේදන සමූහය පවත්වාගෙන යා යුතුය.
11. අධ්යාපන කටයුතු සඳහා වෙන්කර ඇති පාසල් කාලය උපරිම ලෙස ප්රයෝජනයට ගෙන ඉගෙනුම් ඉගැන්වීම් ක්රියාවලිය සජිවීව සිදු කිරීමෙන් විෂය නිර්දේශය ආවරණය කිරීමට කටයුතු කළ යුතු අතර විෂය නිර්දේශ ආවරණය සඳහා සන්නිවේදන සමුහ භාවිතයෙන් වැළකිය යුතුය. අධ්යාපන කටයුතු සඳහා සන්නිවේදන යෙදවුම් භාවිත කරන්නේ නම්, සුහුරු තාක්ෂණික උපකරණ පහසුකම් නොමැති දරුවන් අපහසුතාවයට පත් නොවන පරිදි ඉගෙනුම් ඉගැන්වීම් ක්රියාවලිය සිදු වන බව සහතික කරගැනීම සඳහා සුවිශේෂී ක්රමවේද අනුගමනය කළ යුතුය.
IV. විශේෂයෙන් ප්රාථමික අංශයේ සිසු දරුවන් විසින් පාසලට රැගෙන ආ යුතු ඉගෙනුම් ද්රව්ය උපකරණ ආදිය පිළිබඳව දැනුම් දීමේදී විධිමත් සැලැස්මකින් යුතුව ප්රමාණවත් කාලයක් ලබා දී දෙමාපියන් දැනුවත් කිරීම කළ යුතුය. ඒ පිළිබඳව සිහි කැඳවීම් යොමු කිරීම සඳහා පමණක් සන්නිවේදන යෙදවුම් භාවිතය සීමා කිරීම සුදුසු වේ.
V. සිසුන් විසින් නිවසේ දී සිදු කළ යුතු අභ්යාස හා පැවරුම ආදිය සිසුන්ට ලබා දීම පාසල් පන්ති කාමර ඉගෙනුම් ඉගැන්වීම් ක්රියාවලිය අතරතුර පැහැදිලි කිරීමෙන් පමණක් සිදුකළ යුතු අතර දෙමාපියන් සහ පවුලේ අනෙක් සාමාජිකයින්ද අපහසුතාවයට පත් කරමින් ඉහත සන්නිවේදන යෙදවුම් මේ සඳහා යොදා නොගත යුතු බව තරයේ අවධාරණය කරයි.
VI. පොදුවේ සලකන කල්හි මේ වැනි සන්නිවේදන යෙදවුම් භාවිතයේදී කිසිදු අයුරකින් සිසුන්ගේ පෞද්ගලිකත්වයට හානි වන සහ ඔවුන් මානසික පීඩනයට ලක්විය හැකි ආකාරයේ පණිවුඩ, වීඩියෝපට, ඡායාරූප, හඬපට, නිවේදන ආදි කිසිවක් යොමු කිරීම සිදු නොකළ යුතු අතර එවැනි සිදුවීම වාර්තා වුවහොත් ඒ සම්බන්ධව විනයානුකූලව දැඩි පියවර ගැනීමට අධ්යාපන අමාත්යාංශය කටයුතු කරනු ලබන බව දන්වා සිටිමි.
VII. රාජකාරීමය වශයෙන් සහ අධ්යාපන සංවර්ධනයට අදාළ වන ආකාරයේ සන්නිවේදන යෙදවුම් සමූහයන්වලට අමතරව අවිධිමත් ලෙස පාසල් ප්රජාව හා ගුරුවරුන් සම්බන්ධ කර ගනිමින් පවත්වා ගෙන යනු ලබන සන්නිවේදන යෙදවුම් සමූහ මඟින් පාසලේ කීර්තිනාමයට හෝ පාසල් ප්රජාවට සහ සිසු දරුවන්ට විය හැකි හානි සම්බන්ධව අදාළ සමූහයන්හි පරිපාලකයින් විසින් පූර්ණ වගකීම දැරිය යුතු වේ. ඒ හා සම්බන්ධයෙන් මතුවන ගැටලු වලදී රටේ පවතින පොදු නීතිය සහ තොරතුරු සන්නිවේදන පනත අනුව නීතිමය පියවර ගනු ලබන බව ද දන්වමි.
