හිටපු ජනාධිපතිවරයෙකුට කොළඹින් නිවසක් අවශ්ය නම් පෝරමයක් පුරවා ඉදිරිපත් කළ හැකි බවත්, ඉන් අනතුරුව ඔහුට ජීවත් වීම සඳහා ක්රමයක් නැති අස්වැසුම ගන්නා මට්ටමේ කෙනෙක් බව තේරුම් ගියහොත් පින් තකා නිවසක් ලබා දිය හැකි බවත් ජනාධිපති අනුර කුමාර දිසානායක අද පැවසුවේය.
ජනාධිපතිවරයා මේ බව පැවසුවේ අද (08) පස්වරුවේ කෑගල්ලේ පැවති ජාතික ජන බලවේගයේ ජන රැළියක් අමතමිනි. එහිදී ජනාධිපතිවයා කීවේ දේශපාලනයට ප්රමිතියක් අවශ්ය බවය. එවැනි ප්රමිතියක් දැන් මේ රටේ දේශපාලකයින්ට නැති බව කී ජනාධිපතිවරයා ජාතික ජන බලවේග ආණ්ඩුව විසින් ජනාධිපතිවරයාට, අගමැතිවරයාට, ඇමතිවරයාට, නියෝජ්ය ඇමතිවරයාට සහ මන්ත්රීවරයාට අවශ්ය දේ සම්බන්ධව නිශ්ඡය කරමින් අදාල ප්රමිතිගත කිරීම සිදුකරන බවත්, හිමි නැති කිසිම දෙයක් ජනතා මුදලින් ඔවුන්ට ලබා නොදෙන බවත් කීවේය. හිටපු ජනාධිපතිවරුන්ටත් එය අදාල බව ජනාධිපතිවරයා මේ අවස්ථාවේ දී පැහැදිලි කළේය. එහිදී වැඩිදුරත් කරුණු දැක්වූ ජනාධිපතිවරයා මෙසේ ද කීවේය.
“දේශපාලකයාට ප්රමිතිගත කිරීමක් නෑ, ජාතික ජන බලවේගයේ ආණ්ඩුව පළමුකොටම ජනාධිපතිවරයාට, ඇමතිවරයාට නියෝජ්ය අමාත්යවරයාට, මන්ත්රීවරයාට ප්රමිතිගත කිරීමක් කරනවා. එයාට ආණ්ඩුවෙ වාහන පාවිච්චි කරන්න පුලුවන් කොච්චර ද?. ප්රමිතියක්. ඔයාට ආණ්ඩුවේ ගෙවල්වල ඉන්න බෑ, ප්රමිතියක්. නීතියට යටත්. ප්රමිතියක්. අවුරුදු පහක් හිටියාම පාර්ලිමේන්තුවෙ පැන්ෂන් එක හම්බවෙනවා. නැවත එය හම්බවෙන්නෙ නෑ. ඒක ප්රමිතියක්. හිටපු දේශපාලකයින්ටත්, හිටපු ජනාධිපතිවරුන්ටත් ඒ ප්රමිතිය ඇතුළත්.
ව්යවස්ථාවෙන් පනතෙන් චක්රලේඛයෙන් අවස්ථාවක් දීලා නෑ ගෙදර ඇම්බියුලන්ස් එකක් තියාගෙන ඉන්න. ව්යවස්ථාවෙන් නීතයෙන් චක්රලේඛනවලින් දීලා නෑ කෝකියො තියාගෙන ඉන්න. ව්යවස්ථාවෙන් නීතියෙන් චක්රලේඛනවලින් දීලා නෑ වාහන 16, වාහන 30 තියාගෙන ඉන්න. අන්න ජාතික ජනවේගයේ ආණ්ඩුව පළමුකොටම ව්යවස්ථාවෙන් නීතියෙන් චක්රලේඛනවලින් දීලා නැති අනීතික දේවල් සියල්ල ආපසු කැඳෙව්වා. එතකොට කියනවා පලි ගන්නවලු. පලි ගන්නවා නෙමයි. නීතියට යටත් කරනවා.”
“ඊලගට අපි කමිටුවක් දාලා තියනවා නීතයෙන් ලබා දීලා තියන දේවල් ගන්නත්. නීතිය වෙනස් කරනවා ජාතික ජන බලවේග ආණ්ඩුව. එය මතක තබා ගන්න. කවුරුහරි හිටපු ජනාධිපති කෙනෙකුට නිවසක් නැතිනම් එයාට ආණ්ඩුවට ඇප්ලිකේෂන් එකක් දාන්න පුලුවන්. ඔබට කොළඹ ගෙයක් තියනව ද?. ඔබගේ කාලත්රයාට කොළඹ ගෙයක් තියනව ද?. ඔබගේ දුවා දරුවන්ට කොළඹ ගෙයක් තියනවද?, ඔබට නිවසක කුලිය ගෙවා ගැනීම සඳහා ප්රමාණවත් නොවන ආදායමක් ද තියෙන්නේ. ඔබ නිකම් අස්වැසුම ලබා ගන්න මට්ටමේ ද ඉන්නේ. එහෙනම් ගෙයක් දෙමු.”
“හැබැයි ඇප්ලිකේෂන් එකක් පුරවලා එවන්න ඕන. ඇයි… මේ රටේ පුරවැසියන් ආණ්ඩුවෙන් මොකක් හරි ගන්න ඇප්ලිකේෂන් එකක් පුරවන්න ඕන. ඊට පස්සේ ඒ දිහා සලකා බලලා අනුකම්පාවෙන් යුතුව යමක් දෙන්න පුලුවන්. මේ පළි ගැනීම නෙමෙයි. අපේ රටේ දේශපාලනය අපි ප්රමිතියකට ගෙනනවා. මොනවද හිමි දේ. මොනවද අහිමි දේ. නමුත් අපේ රටේ දේශපාලකයො කල්පනා කරනවා ඔවුන්ට මේ හැම දේම හිමියි කියලා. හැබැයි ජාතික ජන බලවේග ආණ්ඩුව දේශපාලනය ප්රමිතිගත කරනවා මොනවද හිමි දේ. හිමි නොවන හැම දේම අහෝසි කරනවා. “. ජනාධිපතිවරයා කීවේය.
