එක්සත් ජනපදයේ මේට්ලන්ඩ්හි පැටප්ස්කො ගඟහරහා බැල්ටිමෝර් වරායේ පිටතම හරස් මාර්ගය වූ ලෝ ප්රකට ෆැන්සිස් ස්කොට් කී පාලම සිංගප්පූරුවේ ධජය සහිත යාත්රාවක ගැටී අද අළුයම විනාශ වී ඇති බව විදෙස් ප්රවෘත්ති ඒජන්සි වාර්තා කරයි.
වානේ ආරක්කු සහිත විශිෂ්ඨ වාස්තු නිර්මාණයක් ලෙස මෙම පාලම එළි දකින්නේ වර්ෂ 1977 මාර්තු 23 දා ය. පාලමේ දිග සැතපුම් 1.6 (මීටර් 2,632) කි. එය මං තීරු හතරක් සහිතය. මෙම පාලමේ ආරක්කු අතරන් නෞකා ගමනා ගමනය දශක පහකට ආසන්න කාලයක් සිද්ද වෙමින් තිබිනි.
කෙසේ වෙතත් වැරදි ලෙස ධාවනය වූ නෞකාවේ ගැටී පාලම විනාශ වී යන ආකාරය BNO News වීඩියෝවක් නිකුත් කරමින් X හි වාර්තා කර තිබේ. මැරීන් ට්රැෆික් වෙබ් අඩවියේ දත්ත උපුටා දක්වමින් ස්කයි නිව්ස් වාර්තා කළේ, කඩා වැටීමට හේතු වූ ගට්ඨනය ඇති කළ යාත්රාව සිංගප්පූරුවේ ධජය සහිත බහාලුම් නෞකාවක් වන ඩාලි විය හැකි බවයි.
BREAKING: Ship collides with Francis Scott Key Bridge in Baltimore, causing it to collapse pic.twitter.com/OcOrSjOCRn
— BNO News (@BNONews) March 26, 2024
AP පුවත් සේවයට අනුව අලුයම 1:30 ට පමණ මෙම සිද්ධිය සිදුව ඇත. වීඩියෝ දර්ශන විනිශඡයන්ට අනුව , අනතුර සිදු කළ නෞකාව ගිනිගෙන ගිලී ඇති බවත් මියගිය හෝ තුවාල ලැබූ බවට මෙතෙක් වාර්තා වී නොමැති බවත් විදෙස් මාධ්ය පවසයි.
මේරිලන්ඩ් ප්රවාහන අධිකාරිය ප්රකාශ කර ඇත්තේ ෆ්රැන්සිස් ස්කොට් කී පාලමේ දෙපැත්තේම මංතීරු වසා දමා ඇති බවය. ගමනාගමනය නවතා දමා ඇතැයි එහි වැඩිදුරටත් සඳහන් වේ.
බැල්ටිමෝර් නගරයේ ගිනි නිවීමේ දෙපාර්තමේන්තුවේ සන්නිවේදන අධ්යක්ෂ කෙවින් කාට්රයිට් බීබීසී වෙත තහවුරු කළේ පාලම “විශාල යාත්රාවක” ගැටී අර්ධ වශයෙන් කඩා වැටී ඇති බවයි. “පුද්ගලයින් හත් දෙනෙකු සහ වාහන කිහිපයක්” පැටප්ස්කෝ ගඟේ ගිලි ඇති බව ද ඔහු පවසා ඇත.
විදෙස් මාධ්ය වාර්තා කරන්නේ මෙය තවම නිශ්ඡිත තක්සේරුවක් නැති වර්ධනය වෙමින් පවතින බිහිසුණුම හදිසි අනතුරක් බවය.
