ලෝකය පුරා පුද්ගලයින් මිලියන 284ක් මත්ද්රව්ය භාවිතා කරන බවත් මිලියන 11කට වැඩි සංඛ්යාවක් මත්ද්රව්ය සිරුරට එන්නත් කර ගන්නා බවත් 2022 ලෝක මත්ද්රව්ය වාර්තාවේ සඳහන් බව එක්සත් ජාතීන්ගේ මත්ද්රව්ය පිළිබඳ කොමිසමේ 66 වැනි සැසිවාරය සඳහා වීඩියෝ ඇමතුමකින් සම්බන්ධ වෙමින් මානව හිමිකම් පිළිබඳ එක්සත් ජාතීන්ගේ මහ කොමසාරිස් ‘වොල්කර් ටර්ක්’ පවසයි.
නීතිවිරෝධී මත්ද්රව්ය ගෝලීය වෙළෙඳපොළේ අඛණ්ඩව, පාලනයකින් තොරව වර්ධනය විම, ලොව පුරා සමාජවලට බලපෑම කර අයුරු තමා හොඳින්ම දන්නා බවත් මේ වන විට ප්රචණ්ඩකාරි අපරාධවල සිට ජිීවිත හානි දක්වා සමූහ සිරගත කිරීම්වලට සූදානමින් සිටින බවත් ඔහු සඳහන් කළේය.
රටවල් 35ක මත්ද්රව්ය සම්බන්ධ වැරදි සඳහා මරණ දඬුවම නියම කර ඇත. එහෙත්, ජාත්යන්තර මානව හිමිකම් නීතිය මගින් මරණීය දණ්ඩනය භාවිතා කිරීම බරපතලම අපරාධවලට සීමා කර ඇති අතර, එය හිතාමතා ඝාතනය කිරීම සම්බන්ධ ලෙස වටහාගෙන ඇත.
මත්ද්රව්ය සම්බන්ධ වැරදි ඇතුළුව ‘මරණ දඬුවම ක්රියාත්මක කරන රාජ්යයන්ට එය අහෝසි කරන ලෙස මම නැවත වරක් ඉල්ලා සිටිමි.” ඇය කීවාය.
ඇය පෙන්වා දුන්නේ මත්ද්රව්ය භාවිතා කරන පිරිස් ඉන් ගලවා ගැනීම සඳහා වඩාත් මානුෂීය ක්රමවේදයක් මනුෂ්ය සමාජ තුළ ක්රියාත්මක කළ යුතු බවය. අත්අඩංගුවට පත්වෙතැයි බිය, මත්ද්රව්ය භාවිතා කරන පුද්ගලයින් විෂයෙහි ඇති සමාජ අපකීර්තිය නිසා ඔවුන් හානි අවම කිරීමේ ස්වේච්ඡා සේවා සහ සෞඛ්ය සේවා වෙත ප්රවේශ වීම වළක්වන බවත් මත්ද්රව්ය භාවිතයෙන් වර්ෂ 2019 දී ලොව පුරා මිලියන 1.2ක් මරණයට පත් වීම එහි ඛේදනීය ප්රතිඵලයක් බවත් ඇය පෙන්වා දුන්නාය
