මනම්පිටිය නිමල් ජයරත්න –
පොළොන්නරුව දිස්ත්රික්කයේ සර්ව ආගමික නායකයින් එක්ව ආගමික සංහිඳියාවේ යහ පණිවිඩයක් ලෝකයට ලබා දෙමින් අද (14) උදෑසන දිඹුගාලග නාමල්පොකුන පුරාණ හින්දු දේවස්ථාන භූමියේ දී තෛපොංගල් උත්සවය සැමරූහ.
ඓතිහාසික දිඹුලාගල ආරණ්ය සේනාසනාධිපති දිඹුලාගල රාහුලාලංකාර නාහිමියන් ප්රධාන පොළොන්නරුව දිස්ත්රික්කයේ බෞද්ධ, හින්දු, ඉස්ලාම්, කතෝලික, ආගමික නායකයින් මේ අවස්ථාවට එක් වෙමින් හින්දු චාරිත්රානුකූලව තෛපොංගල් සමරන සංස්කෘතික මොහොත බෙදා ගත් අතර හින්දු චාරිත්රානුකූලව සකස්කළ පොංගල් බත ද පිළිගනු ලැබූහ.
තයිපෝංගල් දිනයේ විශේෂත්වය පිළිබඳව සියලු දෙනා දැනුවත් කිරීම උතුරු මැද පළාතේ හින්දු කුරුක්කල් සංවිධානයේ ප්රධාන ලේකම් ශිව ශ්රී කේ දයානන්දන් විසින් සිදු කලේය. පොළොන්නරුව දිස්ත්රික් අන්තර් ආගමික කමිටුව විසින් සංවිධාන කරන ලද මෙම තයිපෝංගල් උත්සවයට සමගාමීව ප්රදේශයේ සමාජ සේවා කටයුතුවල නිරත වෙමින් සුවිශාල සේවයක් සිදුකළ චරිත කිහිපයකට සමරු සිහිවටන ප්රධානය කිරීමද සිදුවිනි. සිංහල දෙමළ දරුවෝ එක්ව විචිත්ර සංස්කෘතිකාංග ද මේ අවස්ථාවේ ඉදිරිපත් කළහ.
මෙම තයිපොංගල් උත්සවය, ලක්වාසී, ලෝකවාසී, සියලුම ආගම්වලටත්, ජාතින්ටත් අපුරු ආදර්ශයක් බව මෙහිදී අනුශාසනාව සිදු කරමින් ඓතිහාසික දිඹුලාගල ආරණ්ය සේනාසනාධිපති දිඹුලාගල රාහුලාලංකාර නාහිමියෝ සඳහන් කළහ.
මෙම අවස්ථාවට, පොළොන්නරුව දිස්ත්රික්කයෙන් සියලු සර්ව ආගමික නායකයින්, පොළොන්නරුව දිස්ත්රික් අන්තර් ආගමික කමිටුවේ සම්බන්ධීකාරක කමිටු සාමාජිකයින්, රාජ්ය හා රාජ්ය නොවන ආයතනවල නිලධාරීන්, සිංහල , දමිළ, මුස්ලිම්, ජාතින්වල පාසල් සිසුන් එක්ව සිටියහ.
