ඉන්දියාව ලොව වැඩිම වටිනාකමක් සහිත සමාගම් ඇති රටවල් අතරින් පස්වැනියාට පත්වීමට පසුගියදා සමත්ව තිබේ. ඒ අනුව ලොව ඉහළම වටිනාකමක් සහිත සමාගම් 500 න් 20ක් ඉන්දියාව සතුවන අතර එය එරට ආර්ථීකයේ ප්රබලත්වය පෙන්නුම් කිරීමට සමත් වඩා ප්රායෝගික නිදසුනක් ලෙස විශේසඥයින් පෙන්වා දෙයි.
සෑම වර්ෂයකම ලොව ප්රබලතම සමාගම් 500 සහ එම සමාගම් අයත් රටවල් සම්බන්ධයෙන් ඇගයීමක් කරනු ලබන අතර ඒ ඔස්සේ රටවල් වන ආර්ථික හැකියාව සහ ප්රබලත්වය මැනීම සිදුකරනු ලැබයි. ඒ අනුව මෙම වසරේ ප්රකාශයට පත් කල ලයිස්තුව අනුව ඉන්දියාව පස්වන ස්ථානයට පත්ව තිබේ.
අදාල ලයිස්තුවේ ප්රථම ස්ථානය ඇමරිකා එක්සත් ජනපදය සුපුරුදු ලෙස අත්පත් කරගෙන ඇත. කෙසේ වෙතත් ඉකුත් වර්ෂයේ ඉන්දියාව නව වන ස්ථානයේ පැවති අතර එය මෙම වසරේදී වර්ධනය කරගැනීමට හැකිවීම ඉන්දියාවේ සීඝ්ර ආර්ථික වර්ධණය පෙන්නුම් කරනු ලබන ප්රබල සාධයක් ලෙස පෙන්වා දිය හැකිය.
මෙම වසරේ ලැයිස්තුවට ඇතුළත් වන ඉන්දියානු සමාගම් 20 න් 11 ක් මුම්බායි හි ද, හතරක් අහමදාබාද්හි ද සහ එකක් නොයිඩා, නවදිල්ලිය, බෙංගලෝර් සහ කොල්කටා හි ද පිහිටා ඇත. මෙම ලැයිස්තුව සකස්කරන පර්යේෂණ ආයතනය විසින් නිකුත් කරන ලද මෙම ලැයිස්තුව ලොව වටිනාම රාජ්ය නොවන පාලිත සමාගම් හී වෙළඳපල ප්රාග්ධනීකරණය (ලැයිස්තුගත සමාගම් සඳහා) සහ ලැයිස්තුගත නොවන සමාගම් සඳහා තක්සේරු කිරීම් අනුව ශ්රේණිගත කරන ලදී.
මෙහිදී ඇමරිකානු ඩොලර් බිලියන 202 ක තක්සේරුවක් සමඟ, රිලයන්ස් ඉන්ඩස්ට්රීස් සමාගම ඉන්දියානු සමාගම් අතරින් ඉහළින්ම සිටින අතර එය ලෝකයේ 34 වැනි ස්ථානයට පත්විය. ඉන් පසුව ටාටා කන්සල්ටන්සි සර්විසස් ඇමරිකානු ඩොලර් බිලියන 139 සහ එච් ඩී එෆ් සී බැංකුව ඩොලර් බිලියන 97ක අගයක පවතී.
