ප්රවීණ ක්රිකට් විස්තර විචාරකයකු වන බ්රයන් තෝමස් මහතාගේ විදේශ ගමන් තහනම් කිරීමට කොළඹ අතිරේක මහේස්ත්රාත් හර්ෂණ කැකුණවෙල මහතා අද නියෝග කර ඇත. ජනශක්ති රක්ෂණ සමාගමේ අධ්යක්ෂ දිනේෂ් ෂාෆ්ටර් මහතාගේ අබිරහස් මරණය සම්බන්ධයෙන් බොරැල්ල පොලිසිය විසින් කරන ලද ඉල්ලීමකට අනුව මෙම නියෝගය අධිකරණය වෙතින් ලබා දී ඇත.
ෂාෆ්ටර් මහතා ඊයේ (16) සවස මල්පාරේ පිහිටි සිය නිවසින් පිටවන අවස්ථාවේ දී ඔහු බ්රයන් තෝමස් මහතා හමුවන්නට යන බව පැවසීමත් ඔවුන් අතර ගනුදෙනුවක් පැවතීමත් පිළිබඳව ලද තොරතුරු මත අදාළ විමර්ෂණ සිදු කරන කණ්ඩායම් ඔහුට විදේශ ගමන් තහනමක් ලබා ගැනීමට කටයුතු කර ඇති අතර එහිදී අපරාධ විමර්ෂණ නිලධාරීන් තෝමස් මහතාට විදේශ ගමන් බලපත් දෙකක් පවතින අතර මේ දෙකටම අදාළ තහනම ක්රියාත්මක කරන ලෙස ඉල්ලා සිටියහ.
මෙයට අමතරව දිනේෂ් ෂාෆ්ටර් මහතාගේ ජංගම දුරකථන තොරතුරු පරීක්ෂා කිරීමටද අදාළ අධිකරණ නියෝගයක් අද දින ලබා ගෙන ඇති බව සඳහන් වේ.
මේ අතර බ්රයන් තෝමස් මහතාගෙන් අද අපරාධ පරීක්ෂණ දෙපාර්තමේන්තු නිලධාරීන් ප්රකාශයක්ද සටහන් කරගෙන ඇති අතර ඔහුගේ නිවසේ සීසීටීවී කැමරාද පරීක්ෂා කර ඇති බව අපරාධ පරීක්ෂණ දෙපාර්තමේන්තු ආරංචි මාර්ග සඳහන් කරයි.
මිය ගිය ෂාෆ්ටර් මහතාගේ දෙහය සම්බදපශ්චාත් මරණ රීක්සන අද සිදු කෙරුණු අතර එහිදී තහවුර වී ඇත්තේ තනතුවකින් ගෙල සිරි කිරීම හේතුවෙන මෙම මරණය සිදුව ඇති බවය.
