පෙබරවාරි මාසයේදී ලිට්රෝ ගෑස් මිල සංශෝධනය නොකරන බව ලිට්රෝ ගෑස් සමාගම නිවේදනය කරයි.
එහි සභාපති මුදිත පීරිස් පවසන්නේ මේ මාසයට අදාළව නියත මිල වැඩිවීමක් තිබුණ ද එම පාඩුව සමාගම දරාගෙන ජනතාවට සහනයක් ලබා දීමට කටයුතු කිරීමට තීරණය කළ බවය.
ජනවාරි 01වැනිදා ලිට්රෝ සමාගම කිලෝග්රෑම් 12.5 ගෑස් සිලින්ඩරයක මිල රුපියල් 685කින් ඉහළ දැමූ අතර, එය මේ වන විට රුපියල් 4,250ක මිලකට වෙළෙඳපොළේ අලෙවි වේ.
එමෙන් ම, කිලෝග්රෑම් 5 සිලින්ඩරයක මිල රුපියල් 276කින් ඉහළ දැමූ අතර, එය මේ වන විට රුපියල් 1,707කි.
කිලෝග්රෑම් 2.3 සිලින්ඩරයක මිල ද රුපියල් 127කින් ඉහළ දැමූ අතර එම සිලින්ඩරයක් මේ වන විට රුපියල් 795ක මිලකට අලෙවි කෙරේ.
