ශ්රියානි විජේසිංහ –
ලාදුරු රෝගීන් වැඩිම පිරිස මොරටුව ප්රාදේශීය ලේකම් කොට්ඨාසයෙන් වාර්තා වී ඇතැයි ලාදුරු මර්දන වැඩසටහනේ අධ්යක්ෂ විශේෂඥ වෛද්ය ප්රදීප් රණවීර සඳහන් කරයි.
මසකට රෝගීන් දහ දෙනෙකු පමණ මෙම කොට්ඨාසයෙන් වාර්තා වන නමුත් මේ වසර තුළ දී සොයා ගැනීමට හැකිව ඇත්තේ රෝගීන් 50ක් බැවින් තවත් රෝගීන් හැත්තෑවක් පමණ සොයා ගැනීමට නොහැකි වී ඇතැයි අධ්යක්ෂවරයා සඳහනක් කළේය.
ලුනාව,කොරලවැල්ල,එගොඩඋයන, රාවතාවත්ත වැනි ප්රදේශවලින් මෙම රෝගීන් වැඩි වශයෙන් වාර්තා වී ඇත.
මේ වන විට හෝමාගම, කැස්බෑව, පිලියන්දල ප්රදේශවලිනුත් රෝගීන් වැඩි වශයෙන් හමු වී ඇත.
දිවයිනෙන් හමුවන සමස්ත රෝගීන්ගෙන් සියයට 5ත් 6ත් අතර ප්රතිශතයක් මොරටුව ප්රාදේශීය ලේකම් කොට්ඨාසයෙන් හමුවන බව අධ්යක්ෂවරයා වැඩිදුරටත් අනාවරණය කළේය.
මීගමුව සිට පානදුර දක්වා රෝගීන්ගේ වැඩි වීමක් පෙන්නුම් කරන අතර සමස්ත රෝගීන්ගෙන් සියයට හතළිහක් පමණ බස්නාහිර පළාතෙන් වාර්තා වන බව අධ්යක්ෂ රණවීර සඳහන් කළේය.
ලාදුරු තුරන් කළ රටක් ලෙස ලෝක සෞඛ්ය සංවිධානයේ සහතිකය හිමිවනු ලබන්නේ ළමා ලාදුරු රෝගීන් 0 කර වසර පහක් ගත වූ පසුව සහ වැඩිහිටි ලාදුරු රෝගීන් 0 කර වසර අටක් ගතවූ පසුව බැවින් වසර 2030 වන විට වන විට මෙරටින් ලාදුරු රෝගය තුරන් කළ නොහැකි බව අධ්යක්ෂවරයා සඳහන් කළේය.
මේ අනුව වසර 2035 දී හෝ ලාදුරු රෝගීන් මෙරටින් තුරන් කිරීම සඳහා ප්රාදේශීය ලේකම් කොට්ඨාස මගින් වැඩසටහන් ක්රියාත්මක කිරීමට බලාපොරොත්තු වන බව හෙතෙම කීවේය.
ලාදුරු නිට්ටාවට සුව කළ හැකි රෝගයක් වන අතරම ඒ සඳහා ප්රතිකාර නොමිලේ ලබාදීම සෞඛ්ය අමාත්යාංශය ආරම්භ කර ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
කෙසේ නමුත් රෝගීන් පරීක්ෂාවන් සඳහා යොමු නොවීමෙන් රෝගීන් හඳුනා ගැනීමට නොහැකි වීම රෝගය වර්ධනය වීමට හේතුවක් වී ඇත.
