කිර්ති ප්රනාන්දු –
බ්රිතාන්යයේ අන්තර්ජාතික රූ රැජින කිරුළ 2022 සදහා හිමි කර ගත් ශ්රී ලාංකික සම්බභවයක් සහිත එවැන්ජලින් එල්ක්මැනර් ශ්රී ලංකාවේ විශේෂ සංචාරයක් සදහා අද (03) කටුනායක ගුවන් තොටුපළ වෙත පැමිණියාය.
සිය මව ඇතුළු ඥාතීන් පිරිසක් සමග අද දහවල් 12.37 ට එංගලන්තයේ ලන්ඩන් නුවර සිට ශ්රී ලන්කන් ගුවන් සේවයේ යූ.එල්.- 504 දරන ගුවන් යානයෙන් කටුනායක ගුවන් තොටුපළ ” සිල්ක් රූට් ” විශේෂ අමුත්තන්ගේ මැදිරිය වෙත ආවාය.
සංචාරක ප්රවර්ධනයේ අභිලාෂයෙන් ඇයගේ මෙම සංචාරය ශ්රී ලංකා සංචාරක ප්රවර්ධන කාර්යාංශය මගින් සංවිධානය කර තිබිණි.
ඇය ශ්රී ලංකාවේ රැදී සිටින කාළය තුළ දී ඇයගේ ධන පරිත්යාගයෙන් ශ්රී ලංකාව තුළ සිදු කෙරෙන සමාජ සත්කාරක ව්යාපෘති ගනනාවක් අධීක්ෂණය කිරීමට නියමිතය.
එම ව්යාපෘති අතර ශ්රී ලංකාවේ අඩු ආදායම්ලාභීන් සදහා නිවාස ව්යාපෘතියක් සහ ශ්රී ලංකාවේ පාසැල් දරුවන් සදහා වූ ව්යාපෘතියක් ද ලෝකයේ දේශගුණික විපර්යාසයන්ට එරෙහිව නැගී සිටීමේ ව්යාපෘතියක් ද වේ .
එවැන්ජලින් එල්ක්මැනර් මෙම වසරේ ඔක්තෝබර් මාසයේ ජපානයේ ටෝකියෝ හී දී පැවැත්වීමට නියමිත 60 වන ලෝක අන්තර්ජාතික රූ රැජින තරගාවලිය සඳහා බ්රිතාන්යය නියෝජනය කරමින් සහභාගී වීමට නියමිතය.
එහිදී ඇය ජයග්රහණය කළහොත් ඇයට හිමි වන ත්යාග මුදලින් 20% ක් ශ්රී ලංකාවේ දිළිදු ජනතාව සදහා වූ ව්යාපෘති කීපයක් ක්රියාත්මක කිරීම සදහා වැය කිරීමට සූදානමින් සිටින බව ද ඇය කටුනායක ගුවන් තොටුපළේ දී අනාවරණය කළාය..
