කීර්ති ප්රනාන්දු –
නිදහස් දිනය යනු මානව ගෞරවයේ සහ උත්තරීතරත්වයේ සැබෑ ප්රතිමූර්තියක් මිස උත්සව සහ දේශන මෙන්ම ආචාර පෙළපාළි යෑමෙන් පමණක් ලබා ගන්නා හිස් අත්දැකීමක් නොවන බවත් 74 වැනි නිදහස සමරන මොහොතේ රටට ආදරය කරන සියලු දෙනාම කළ යුත්තේ තම තමන්ගේ හෘද සාක්ෂිය විමසා නිදහසින් පසු ඉතිහාසය තුළ ක්රම ක්රමයෙන් රට අගාධයටය ඇද දැමූ ක්රමවේදයෙන් ගලවා ගන්නට සුදුසු ගැඹුරු පරිවර්තනයක් සොයා යෑම බවත් නිදහස් දින පණිවිඩය නිකුත් කරමින් කොළඹ අගරදගුරු මැල්කම් කාදිනල් රන්ජිත් හිමිපාණෝ පවසති.
දේශපාලන නායකයන්ගේ අදූරදර්ශී තිරණ නිසා රටවැසියන් දරිද්රතාවයටත් පීඩාවටත් වහල් භාවයටත් පත් වෙමින් ඇති මොහොතක වසර 74කට පෙර රටට ලැබුණු නිදහසට සිදුවූයේ කුමක් දැයි ප්රශ්නයක් මතුවන බැවින් අප සැබැවින්ම අපේ මව්බිමට ආදරය කරන්නේනම් සිදුවූයේ කුමක් දැයි හෘදය සාක්ෂියෙන් විමසිය යුතු බව උන්වහන්සේ කියති.
උන්වහන්සේ පෙන්වා දෙන්නේ ජාතියේ අවාසනාවට මෙන් දේශපාලන න්යාය ධර්ම සහ බල ලෝභය මෙන්ම දූෂිත ලෙස ධනය උපදවා ගැනීමට ඇති කෑදරකම තුළ අප රට නිදහසෙන් පසු ආචාර ධර්ම අතින්ද ආර්ථික අතින්ද සමාජීය හා ප්රජාතන්ත්රවාදී පැවැත්ම අතින්ද ගැඹුරු අගාධයක් වෙත ඇද වැටෙමින් සිටින බවය.
දූෂිත අනීතික දේශපාලනය මෙරට පොදු ජනතාවට නිදහසේ අත්දැකීම් හුදෙක් ප්රලාපයක් කර ඇතැයි උන්වහන්සේ කියති.
කාදිනල් තුමා නිකුත් කළ නිදහස් දින පණිවිඩය පහත දැක්වේ.
