වෙබ් අඩවිවලට අනවසරයෙන් ඇතුළු වී ඒවායේ දත්ත හසුරුවන සහ තොරතුරු අනාවරණය කරන අන්තර්ජාල හැකර්වරුන්ගෙන් සමන්විත ඇනොනිමස් ජාලය අද සිය ටිව්ටර් ගිණුමකින් ප්රකාශ කර ඇත්තේ මේ වනවිට රුසියාව කෙරෙහි දැඩි අවධානයකින් පසුවන අතරේ ශ්රි ලංකාව සහ ඊශ්රායලයේ දූෂණ හෙළිදරව් කිරීමට තම කණ්ඩායම සූදානමින් සිටින බවය.
මේ ඇනෝනිමස් කණ්ඩායම පිළිබඳව මේ වනවිට දැඩි අවධානයක් යොමුව ඇත්තේ ඔවුන් පසුගියදා වීඩියෝවක් ද සමඟින් ප්රකාශ කළ ශ්රි ලංකාවේ දූෂිත දේශපාලනය පිළිබඳ ව අදාළ වෙබ් අඩවිවලින් ලබා ගන්නා තොරතුරු සහ අයථා ක්රියා පිළිබඳව සමාජයට මුදා හරින බවය. ඔවුන්ගේ මේ අවසන් දිනයට තව ඇත්තේ දින තුනක කාලයක් පමණි. ඔවුන් ශ්රී ලංකාවේ රාජ්ය වෙබ් අඩවි හෝ අදාළ දූෂණනවලට ගෑවුණු දත්ත පද්ධතිවලට ඇතුළු වී ඒවා ජනතාව හමුවේ අනාවරණය කරයිද යන්න පිළිබඳව මේ වනවිට රට තුළ මහත් ආන්දෝනලයක් නිර්මාණය වී ඇත.
https://twitter.com/ANOVNI1/status/1515637201694085123?s=20&t=W9yNc5fooByW5Sw1yow-Kw
ඇත්තටම ඔවුන් මේ අනාවරණයන් කරයිද?
ඔවුන් කී පරිදිම යම් බලපෑමක් රාජ්ය තොරතුරු තාක්ෂණ පද්ධතියට හෝ අදාළ දත්ත පද්ධතියට සිදු කිරීමේ අවදානමක් පවතින බව බොහෝ විශේෂඥයින්ද විවිධ තල ඔස්සේ මත පළ කර තිබණි. මේ මත පළ කිරීම් සහ ඇනෝනිමස් කණ්ඩාමේ ඇඟ කිලිපොළා යන වෙබ් ක්රියාකරකම් ගැන ලෝකය බොහෝ සෙයින් විශ්වාස කරන්නට ගත්තේ ඔවුන් යුක්රේන ආක්රමණයෙන් පසුව රුසියාව සම්බන්ධයෙන් ක්රියා කළ ආකාරය නිසාය.
මේ වනවිට ඇනෝනිමස් ජාලය වැඩිපුර අවධානය යොමු කරන්නේ යුක්රේනය ආකක්රමණය කළ රුසියාවය. මේ වවනවිට මෙම ඇනොනිමස් හැකර් ක්රියාධරයින් එරට රාජ්ය වෙබ් අඩවි, විවිධ සංවිධානවලට සම්බන්ධ ද වෙබ් අඩවි වලට ඇතුළු වී ඒවායේ ක්රියාකාරීත්වය අවුල් කිරීමටත් ඇතැම් දත්ත අනාවරණය කිරීමටත් සමත්ව ඇත.
මෙම කණ්ඩායම විසින් රුසියාවේ දී කරන ලද විශේෂිතම ක්රියාකාරකම ලෙස සැලකෙන්නේ එරට රාජ්ය රූපවාහිනි සේවා පද්ධතිවලට ඇතුළු වී රුසියාව යුක්රේනය තුළ සිදු කරන ක්රියාකාරකම් පිළිබව කෙටි වීඩියෝවක් ප්රචාරය කරවීමය. එය මෙම ඇනෝනිමස් කණ්ඩායම වෙත ලෝකයම විස්මය ජනක අවධානයක් යොමු කිරීමට සමත් විය.
එබැවින් ඔවුන් අවතක්සේරු නොකළ යුතු කණ්ඩායමක් බව සයිබර් ආරක්ෂාව පිළිබඳව ලෝක විශේෂඥයෝ සඳහන් කරති. සී.එන්.බී සී පුවත් සේවය සමඟ අදහස් දක්වා ඇති එවැනි අන්තර්ජාල ආරක්ෂාව සම්බන්ධ විශේෂඥයකු වන ජෙරමියා ෆෝවර් පවසා ඇත්තේ ඔවුන් සූක්ෂම ලෙස පරිගණක දත්ත පද්ධතිවලට ඇතුළු වීමේ හැකියාව මේ වනවිට පෙන්නුම් කර ඇති බවය.
මේ වනවිටත් රුසියාව තුළ රාජ්ය වෙබ් අඩවි ඇතුළු සම්බන්ධිත අඩවි ගණනාවක් ඔවුන් ගේ ආක්රමණයට නතු කරගෙන ඇති අතර ඔවුන් මෙම දත්ත පද්ධති වෙනස් කර ඇත. ඇතැම් දත්ත ගොනු ඔවුන් යුද්ධය නිමකරන ලෙස පුටින්ට බල කරන පාඨවලින් යළි නම් තබා ඇත. දැඩි සයිබර් ආරක්ෂාවක් ඇති බව කියූ රුසියාවද මේ සයිබර් ප්රහාර හමුවේ අවුල් ද සහගත මට්ටමට පත් ඇත.
මෙම සයිබර් ප්රහාරක බල ඇණියට නිසි නායකත්වයක් නැත. ඔවුන් කරන්නේ එක අරමුණක් වෙනුවෙන් එක්වී ඊට අදාළ කටයුතු මෙහෙයවීමය. මේ තත්ත්වය තුළ මේ වනවිට ඔවුන් ශ්රි ලංකාව සම්බන්ධයෙන්ද ක්රියාත්මක වීම සඳහා එවැනි පිරිස් ඒකරාශී කරමින් සිටින බව ඔවුන්ගේ සමාජ ජාල ගිණුම්වලින් පැහැදිලි වෙයි.
#Anonymous #tweet storm in support of #SriLanka Revolution #JoinUs on #20thApril 2022#OccupyGalleFace#GoHomeRajapaksas #OpSriLanka #JoinUs #World!#GoHomeGota https://t.co/hqLawHEENL
— Ghost Clan™ 𝕏 (@GhostClanInt) April 17, 2022
ඉන්දියානු ඇනොනිමස් සාමජිකයකු ඊයේ සිය ටිව්ටර් ගිණුමෙන් ප්රකාශ කළේ ශ්රි ලංකාවේ පාලකයන්ට කොල්ල කෑ මුදල් යළි ජනතාවට ලබා දීමට තවත් ඉතිරි ව ඇත්තේ දින කිහිපයක් පමණක් බවය. එ අනුව අප්රියෙල් 20 වැනිදා සිය මෙහෙයුම ආරම්භ කරන බව ඔවුහු පවසති.
ශ්රි ලංකාවේ දූෂණ වංචා හෙලිදරව් කිරීම සහ රාජ්ය වෙබ් අඩවිවලට ඇතුළු වීම ඇතුලු ශ්රි ලංකාවේ පවතින අරගලයට සහය පල කරන හැකර් ක්රියාකරුවන් ශ්රි ලංකාවට එරෙහිව මෙහෙයුම නම් කර ඇත්තේ OpSriLanka නමිනි. Annonymousltalia නමින් පවත්වාගෙන යන හැකර් ක්රියාන්විතයේ ටිව්ටර් ගිණුමක් ද පවසා ඇත්තේ මේ වනවිට ඔවුන් ශ්රි ලංකාවේ ක්රියාන්විතයට සම්පූර්ණ සහය ලබා දෙන බවය.
https://twitter.com/ANOVNI1/status/1514368395604643844?s=20&t=W9yNc5fooByW5Sw1yow-Kw
මෙම කණ්ඩායම් මේ වනවිට සිය සමාජ ජාල ගිණුම් හරහා පෙන්වා දෙන්නේ මෙරට ක්රියාත්මක වුණු අධිවේගී මාර්ග ඇතුළු මහා පරිමාණ ව්යාපෘතිවලදී වියදම් වී ඇති ඇදහිය නොහැකි ගණන් හිලව් තුළ මහා පරිමාන දූෂණ තිබිය හැකි බවයි. මෙවැනි ව්යාපෘති හරහා මහජනයාගේ මුදල් යමකු කොල්ල කා ඇත්නම් ඒවා යළි ලබා දීමට අවශ්ය තොරතුරු තාක්ෂණ සහය ලබා දීමට ඔවුන් බලාපොරොත්තු වන බව මෙම හැකර් ක්රියාකරුවන් විසින් පළ කරන ලද එක් සමාජ ජාල පෝස්ටුවක සඳහන් වෙයි.
මීට කලින්ද 2014 වසර්දී ශ්රි ලංකා ට මෙවැනි සයිබර් ප්රහාරයක් එල්ල විය. ඒ පසුපස ද මෙවැනි හැකර් ක්රියාධරයින් පිරිසක් සිටි බව අනාවරණය විය. එසේම 2019 වසරේදී ද ශ්රි ලංකාවේ lk Domain සහිත වෙබ් අඩවි ජාලයකට සයිබර් ප්රහාරයක් එල්ල විණි.
එබැවින් මේ සයිබර් අවදානම පිළිබඳව අවතක්සේරුවක් කිරීම ගැලපෙන්නේ නැත.
