ශ්රියානි විජේසිංහ –
ගැහැණු රිලා සතුන්ට ලූපය පළදා පිරිමි රිලවුන් සමඟ එකට ජිවත්විමට සලස්වා ගැහුණු සතුන් ගැබ් ගන්නේද නැද්ද යන්න පිලිබඳව පේරාදෙණිය පශු වෛද්ය අංශය මගින් සිදුකරන පර්යේෂණයන් දින නියමයක් නොමැතිව කල් දැමීමට සිදුව ඇති බව එහි ප්රධානී මහාචාර්ය අශෝක දංගල්ල සඳහන් කරයි.
අනධ්යයන කාර්ය මණ්ඩල සාමාජිකයින්ගේ වැඩ වර්ජනය හේතුවෙන් මෙම ව්යාපෘතිය නිසි පරිදි සිදුකිරිමට නොහැකි වී ඇති බව මහාචාර්යවරයා පැවසුවේය.
රිලා ගැහැණු සතුන්ට ලූපය පළදවා මාස දෙකක පමණ කාලයක් ගත වන බැවින් එම කාලය තුළ උන් ලූපය ආරක්ෂිතව රඳවා ගැනීමට කටයුතු කර ඇති බවත් මෙම කාලය තුළ ප්රජනන ක්රියාවලිය සිදුවිය යුතු නමුත් පිරිමි සතෙකු සොයා ගැනීමට නොහැකි වීමෙන් එම ව්යාපෘතිය නිසි පරිදි කර ගැනීමට නොහැකි වී ඇති බවත් හෙතෙම පැවසුවේය.
මීට සතියකට පමණ පෙර පිරිමි සතුන් දෙදෙනෙකු ලූපය පැළදු රිලවියන් සිටින කූඩුවට දැමිය යුතුව තිබු නමුත් මේ දක්වා එය සිදුකර ගැනීමට නොහැකි විනැයි මහාචාර්ය දංගොල්ල ලංකාසරට පැවසුවේය.
නැවතත් මෙම රිලා ගැහැණු සතුන්ගේ ප්රජනන ක්රියාවලිය සිදුවන කාල වකවානුව සොයා බලා පිරිමි සතුන් යොමු කළ යුතු බවත් ඒ වන විටත් ලූපය ආරක්ෂිතව තබා ගැනීමට රිලා ගැහැණු සතුන්ට හැකි වුවහොත් ව්යාපෘතියේ සාර්ථක අසාර්ථක භාවය පිලිබඳව කිව හැකි බවත් මහාචාර්යවරයා කීය.
