රජයට අයත් ව්යවසායවල ඉහළ තනතුරු දරන නිළධාරීන්ට විශ්රාම යාමේදී තමන් භාවිත කළ නිල රථය සන්තක කර ගැනීමට තිබෙන වරප්රසාදය මින් ඉදිරියට අහෝසි කිරීමට මුදල් අමාත්යංශය තීරණය කර තිබේ.
ඒ අනුව භාණ්ඩාගාර හා මුදල් අමාත්යංශ ලේකම් මහින්ද සිරිවර්ධන මේ පිළිබඳව සඳහන් කරමින් සියලුම අමාත්යංශ ලේකම්වරුන්ට හා රාජ්ය සංස්ථා හා ව්යස්ථාපිත මණ්ඩල සභාපතිවරුන් සහ රාජ්ය බැංකුවල සභාපතිවරුන්ට චක්රලේඛයක් නිකුත් කර ඇති බව, ද සන්ඩේ ටයිම්ස් පුවත්පත වාර්තා කරයි.
මෙම තීරණය රජය විසින් ගෙන ඇත්තේ, පසුගියදා රාජ්ය ව්යවසාය පිළිබඳ පාර්ලිමේන්තු කාරක සභාව හෙවත් කෝප් කමිටුව මෙම වාහන ලබා දීම පිළිබඳව සිදු කළ ප්රශ්න කිරීම්වලින් අනතුරුව බව සඳහන් වේ.
මෙම චක්රලේඛය මඟින් සඳහන් කර ඇති ආකාරයට අදාළ ආයතන මඟින් මෙම වාහන විශ්රාම ගන්නා නිළධාරීන්ට පැවරීම සම්බන්ධයෙන් අනුගමනය කෙරෙන සියලුම ප්රතිපත්ති වහාම අවලංගු කරන ලෙස දන්වා ඇත.
ඊට ප්රධාන වශයෙන් හේතු වී ඇත්තේ මේ වන විට රටේ පවතින බරපතල ආර්ථික අර්බුදය හා විදේශ සංචිත පිළිබඳ පවතින ගැටලුවයි.
එමෙන්ම පසුගිය කාලය තුළ මෙම ආයතනවල අධ්යක්ෂ මණ්ඩල, ඉහළ නිළධාරීන්ගේ වාහන ඔවුන්ට ලබා දීම සම්බන්ධයෙන් මහා භාණ්ඩාගාරයේ කිසිදු දැනුම්වත් කිරීමකින් තොරව තීරණ ගෙන ඇති බවයි.
එහිදී අනාවරණය වී ඇති පරිදි, ඇතැම් ආයතනවල අධ්යක්ෂ මණ්ඩල එම වාහනවල වටිනාකම් අවතක්සේරු කර ලබා දීමට ද කටයුතු කර ඇති බවයි.
