අනුරාධපුර පර්සි කුරුනේරු-
දින දහ හතරක් පුරා රාජාංගනය යාය 18 ප්රදේශයේ පැවැති සංගීත ප්රසංග මාලාව පැවැත්වීමට පොලීසිය තවත් දින හයක් සඳහා ශබ්ද විකාශන යන්ත්ර භාවිතයට අවසර නොදීම නිසා උරණ වූ ප්රසංග මාලාව සංවිධානය කළ අවුරා ලංකා පෞද්ගලික සමාගම් සමූහයේ සභාපති කෝටිපති ව්යාපාරික නන්දික විරංජිත් තාඹුගල නැමැත්තා විසින් රාජාංගනය පොලිස් ස්ථානාධිපති ප්රධාන පොලිස් පරීක්ෂක ජී.ඩබ්ලිව්.එස්.ගජසිංහට ප්රසංග භුමියේ රැස්ව සිටි විශාල පිරිසක් ඉදිරියේ මරණ තර්ජනයකොට ඔහුගේ රාජකාරියට බාධා කළ බව කියන සිද්ධිය සම්බන්ධයෙන් අනුරාධපුර සහකාර පොලිස් අධිකාරි (111) අමිල සෙනෙවිරත්න ඊයේ (26) නොච්චියාගම මහේස්ත්රාත් අධිකරණයට කරුණු වාර්තා කළේය.
අදාල සිද්ධිය සම්බන්ධයෙන් විමර්ශන සිදු කළ අනුරාධපුර සහකාර පොලිස් අධිකාරී(111) සහ තඹුත්තේගම වැඩබලන සහකාර පොලිස් අධිකාරී අමිල සෙනෙවිරත්න විසින් බී වාර්තාවක් මගින් ඊයේ (26) පෙරවරුවේ මහේස්ත්රාත් නාලක බංඩාර ඉලංගරත්න වෙත කරුණු වාර්තා කරනු ලැබිණි.
එහිදී සිද්ධිය සම්බන්ධයෙන් වැඩිදුර විමර්ශන පවත්වා විමර්ශනවල ප්රගතිය අධිකරණයට වාර්තා කරන ලෙසට විනිසුරුවරයා පොලීසියට නියෝග කළේය .
සිද්ධිය සම්බන්ධයෙන් උතුරුමැද පළාත භාර ජ්යේෂ්ඨ නියෝජ්ය පොලිස්පති රාජිත සී.ධමින්ද සහ අනුරාධපුර දිසාව භාර නියෝජ්ය පොලිස්පති ලක්සිරි විජේසේන ගේ උපදෙස් මත සහකාර පොලිස් අධිකාරී අමිල සෙනෙවිරත්නගේ ප්රධානත්වයෙන් වැඩිදුර විමර්ශන පවත්වයි .
